مليت من شكلي الروتيني.. لبشرة فاتحة

شاورون علي بقصات تلائم شكل وجهي ؟؟؟

ما شاء الله الأخت قلوب حلا كفت ووفت

حبيبتي الله يسهل عليج وتقومين بالسلامه بس نصيحتي لا تتريين الين ما تولدين كأنج مثل الحرمه اللي ما تهتم بنظافتها وتخلي عمرها وسخه علشان تتريا مناسبه معينه علشان تطلع واوووو( مع الاعتذار) بس هذا تشبيه لا خلي الاهتمام مسأله دايمه مش لمناسبه معينه وبعد مثل البنت اللي تسوي رجيم لوقت معين وبعدين تخربه بعد انتهاء المناسبه ….حبيبتي انا ما اعرف بخصوص الصبغ لاخفاء الشيب حق الحوامل اذا يضر ولا لا بس عندج الحنا حطيه على شعرج ساعتين بس غسليه بعدها ونشفيه شوي وحطي على طول شي اسمه الكتم بتلقينه عند العطارين حطي ملعقتين مع روب واحد وخلطيهم مع بعض وحطيهم على شعرج لمدة ساعه انا احطه نص ساعه ويصبغ بالون الغامج وكل ما خليتيه اكثر ستوى غامج اكثر وهو ماده طبيعيه مثل الحنه اعتقد ما تضر بس انتي سألي بعدج وبهاي الطريقه بتحسين بالثقه ان اللون الشايب اختفى ثاني شي قصيلج قصه قصيره لانها وايد تغير في الويه وتصغر الوحده وعجيبه حتى لو كان ويهج دائري لانهم يقولون الدائري لازم القصه طويله انا ويهي دائري وقصتيه قصيره ودايما يقولولي مصغرتنج وثاني شي اهتمي بريولج وايدييج لانج بتحسين بالنظافه والثقه خلي مالت الصالون تيج البيت وتسويلج بادييكير كل اسبوع صدقيني بتمر عليج الشهور الباقيه بسرعه وتكونين مرتاحه من شكلج انا دايما اسمع بعض الحريم يقولن وهن حمل ما بنهتم بعمارنا من بيطالعنا بكروشاتنا حتى يعطن ريايلهن فرصه انهم يهجون من البيت بالعكس بعض الحوامل تلقينهن رووووعه وجميلات والوحده تتمنى تكون حامل علشان تقلدهن هاي نصيحتي لج اذا تقبلينها والسموحه منج

صدقيني من تغيرين ستايل شعرج ولونه بتحسين براحه نفسيه
سوي مناكير وبداكير
اصبغي الوان فاتحه بلاتين ..اشقر ثلجي ..او بني فاتح ..ابتعدي عن الاسووووووووود

بما انه شعرج قصير كاريه طويل ارشح هالقصات

وانا افضل هالقصه مع اللون

لا تاجلين بعد الولاده ..تقومين بالسلامه حبيبتي