مرحبااااا
حبيت اشارك بهذا الموضوع اللي بعض من البنات يستصعبونه وهو غاية في السهولة
عشان الوحدة كل ماتبه وتشوف عمرها فاضية بروحها تسوي منكير وبدكير في البيت مافي داعي تروح الصالون
هذا الموضوع خاص بـ" سيدات الإمارات" وانا اكتفي بهالموقع يعني ما انقل المواضيع لمدونة ثانيه
إذا وحدة بغت تنقله رجاءاً تذكر المصدر والمدونة لني تعبت على هالموضوع
بسم الله بدأنا
أولا: الأدوات المستخدمة:
1- هذا الاحمر مثل ما انتو شايفنه ماعرف شو اسمه لول بس هو عشان تحطين صبوعج فيه " هو ما يهم ترومين بداله تستخدمين ملّه
2- هذا السائل اللي لونه وردي مثل اللي يستخدمونه في الصوالين واسمه " Cuticle Remover" يعني مزيل الجلد المحيط بالظفر، ينباع في كارفور والجمعيات وهاذي صورة اوضح له
3- عود من الخشب أو الأداه المعدنية اللي تخوز سطح الظفر والجلد الميت اللي حوله (حسب علمي هو ما ينباع بروحه فاللي ما عندها تقدر تفك عمرها وتشتري عدة الأظافر كاملة) وهاذي صورة أوضح له
4- مقص الجلد الميت اللي حول الظفر
5- مقص ظفور
6- مبرد لترتيب شكل الظفر، مشحاب، او مسحل مثل ما البعض يسموووونه
7- هذا برش تنظيف للرجل = يعني الريل مب الريال لوووول ولا يمكن ينفع حقه بعد خخخ
8- صبغ ظفور للـفرنج منكير "ينباع جاهز مع الستيكرات اللي داخل تلاقونه في كارفور والجمعيات" واللي ما عندها تقدر تستبدله بـ صبغ ظفور أبيض+ صبغ شفاف أو ودري فاااااتح او بيج شفاف أي شي يميل للون الظفر الطبيعي
ثانياً: الخطوااات:
انا قبل كل شي بديت بالتقشير، عشان ازيل الجلد الميت من ايدي وازيل بقااااايا الحنه يعني لا تخافون يوم تشوفون ايدي ترااااه حنه لا تتحرون ايدي محترقة
اختياري: يعني مب لازم تسوينه
1- استخدمت هالمقشر مايهم حق الويه ولا الجسم بس يخلي الايد نااااااااعمه
وغسلتها بالماي عقب
المهم وبعديييييين
صبي شوية ماي دافي + قطرة من صابوووون سائل>>> الغرض منه: تطهير الايد والاظافر
مثل ما تشوفون
2- حطي ايدي في الماااي لمدة من 5 إلى 10 دقايق عشان الجلد اللي حول الظفر يليييين وتسهل إزالته
وبعدين
3- بللي عود قطن بالـ cuticle remover وامسحيه على الجلد المحيط بالظفر
4- وباستخدام عود الخشب او الاداة المعدنية "انا افضل استخدم هذا لنه المعدني حاد وممكن يجرحج" مرريه على ظفرج لين الجلد وتحاولين بشكل خفيف تردينه على وراااا مثل ماهو موضح بالصوره مع اتجاه السهم
بتلاحظين الجلد الجاف اللي لونه أبيض صارت إزالته سهله
5- وباستخدام مقص اليلد "بحذررر شدييييييييييييييييييييييييييييد" قصي اليلد الجاف اللي حول الظفرررر
ملاحظة: اذا حسيتي ان الجلد رد جف ،، كرري الخطوه رقم 3
تحذير: أكرر: بحذررررر شديييييييد ،، ولا تحاولين تقصين اكثر، ليش؟
لأن الجلد الليّن اذا انقص ييبس ويستوي أخشن ، ولو تلاحظين يوم تقصين او تيلفين او تيريين اليلد الجاف اللي يظهر حول الظفر او تعضينه وتاكليه لوول المهم يطلع اخشن عقبها بفترة بسيطة
وانا كرهت الصوالين لنهم يقصون وايد ،، نفس اليوم اشوف ظفوري اوكيه وثاني يوم اشوف الجلد حول الظفر صار خشن وعقبها بيوم يرد يتيلف من اول ويديييييد…..
واللي تعاني من هالمشكلة أنصحها باستخدام مرطب بشكل يومي للإيدين والرجلين
وتترك العاده السيئة انها تيلف اليلد وتاكل ظفورها وصبوعها :@
اختياري: وباستخدام مقص الظفوووور قصي ظفورج اذا بغيتي تقصرينهم
اختياري: واذا ما بغيييتي بس رتبيهم باستخدام المبرد ، المشحاب واذا مرتبين ما يحتاي تسوين شي
6- اذا حبيتي تحطيييين كريم مرطب قبل صبغ ظفورج او عقبه كله واحد
سواء كريم الايدي والاظافر او لوشن مال الجسم كله واحد المهم يرطب
بعد الترطيب اتريي شويه لين ما تحسين انه الجلد امتص المرطب عشان يثبت الصبغ
7- وبعدها ابدئي بصبغ الظفر باللون اللي يكون قريب من لون الظفر الطبيعي مثل ما ذكرت فوووق
وتريي شويه لين ما ينشف
ملاحظة: مايهم اذا كان الصبغ الابيض قبل الوردي "الشفاااف" او العكس المهم كله يؤدي إلى نفس النتيجة
8- بعدها خذي وحده من الستيكارات الموجوده مع الفرنج مانكير كِت "وحده لكل ظفر" وحطيها على ظفرج
ملاحظة: هالطريقة عشان الصبغ ما يخترب والبروفيشونال يصبغووون ظفورهم دووون الحاجه لستيكرات
ملاحظة: اذا تبين ظفرج يمبان اطول نزلي الستيكر شويه تحت والعكس
لحظة بكمل،،،
وبعدين تريي شويه قبل ما تشلين الستيكر عشان ما يخترب الصبغ
ونفس الشي إزالة الستيكر تكون شوي شوي من جهه الى اخرى
10- حطي صبغ ظفوووور شفاف على ظفورج عقب ما تخلصين عشان يتم الصبغ اطول فتره ممكنه وهو مرتب
ليصبح أخيراً بهذااا الشكل
تراااااا
هذا صبعي
بس ايدج انتي بتكوووووووون جيه
وألحييين نيي للعناية وتنظيييييف الرجل
في البداية وفي الصوالين يستخدمون جهاز خاص بالرجل foot spa يكون موصل بالكهربا
بس انتي دوريلج سطل ولا شي تحطين فيه ريولج
ونفس الشي صبي فيه ماي دافي وشويه صااااابون عشان التعقيم
.
.
.
.
شو تتحرون بحط صور ريووولي؟ لول
بعد ما تحطينهم لمدة عشر دقايق او ربع ساعه نشفيهم بالفووووده
وكرري نفس الخطوات السابقة من 1 –إلى- 6 بس بدون الصبغ لنه آخر شي بيكون
ولتنظيف الرجل أو تقشير الجلد الميت انا انصح باستخدام كريم مقشر أو فرشاه خاصه ويكون التقشير مثل مساج على شكل دائري
لنه المبرد اللي يستعملونه في الصالووون يكون وايد خشن ويقطع الريل وهم ما يقصرون بالدفاشه
وعقبها بفتره بسيطه يطلع جلد خشن من او ويديد او اخشن بعد يعني جنج ماسويتي شي
والسبب ذكرته فوووق
نصيحة: كل يوم قبل ما ترقدين رطبي ايديج وريولج بلوشن او كريم مرطب وارقدييييي
تحذييير: لا تحطين فازلين وما تلبسين زلاغات ويوم تنشييين تلعبين سكيييييييت في الحمااام وتدعين عليه هههههه
يازين ريولها لبستها صرواال لول
بس عاد المهم:
عقب التقشير نظفي ريلج وحطي كريم مرطب
خلي الجلد يمتصه
وعقب ابدي بصبغ ظفورج مثل ما هو موضح فووووق ، الخطوات من 7 إلى 10
ترومين تحطين قطن او كلينكس بين صبوعج عشان تسهلج الموضوع، مثل
أو
في فاصل خاااص ينباع في الجمعيات
وتوووووته توووووووته خلصت الحدوووووته
وان شااااااء الله الكل يستفييييييد
اي استفساااااار انا هنااااااا
وكلمت الحق تنقاااااااااااااال مجهووووووووووود
تشكرين عليه حبوبه
وجعله الله في ميزاااااااااااان حسنااااااااااااااتج ان شاااااااء الله
وان شااااااء الله الكل يستفيد منه
ربي يعطيييييييييييييييييييييج اااااااااااااالف عاااااااافيه يالغنااااااااااااه
على هلموضوع المميز
تحياااااااااااااتي لج
..مشكورة وما قصرتي