المشاركة الأصلية كتبت بواسطة جوهرة111 
خدمة المرتعشه فالشارجه
خذنا الضيافه من عند المراسم او المراسيم لخدمات الافراح
اسمها زبيده مغربيه–في دبي
الضيافه كانت عباره عن حلويات ومشروبات
المبلغ= 25000 لاكثر من 600 مدعو
الضيافه اوكي اذا اتواصلتي معاها واهتميتي لين يوم العرس عشان هي تهتم بعد واتبيض ويوهكم..
والحين بقولكم التفاصيل
عرس اخوي كان 28-3..طبعا كل شي عليها الحلويات بانواعها نحن يوم سرنا عندها كانت امجهزه لنا كل انواع الحلويات والبسكويت واتسوي موالح بعد اشياء حلوه وايد نحن طبعا جربنا عندها كل شي وكانت امي ووحده من اهلنا صيام وانا واختي بس كنا انجرب حسيت السكر ارتفع علي من كثر ما آكل واجرب..واتسوي الحلوى بطريقه يديده انها اتحطيها في بسكويت نفس التارت..والقيمات اتحطي لكل وحده بصحن..وشي عندها مكسرات مغربيه هذي اول مايدخلون الضيوف اتكون على الطاوله..عندها حلويات سعره مناسب وعندها الغالي..والمشروبات طبعا بانواعها سواء المعروفه عندنا ولا المشروبات المغربيه وتقدرين بعد تختارين صحون الضيافه ولبس المقهويات من عندها واتييبلج طقم الصواني مع المرشات والداخن ودلل القهوه نفس اللون والديزان..واللي يضيفون مغربيات كلهم ونسيت اقولكم ان الحلويات والموالح كله شغلها هي..الا اذا بغيتي شي من برع خبريها وهي بتصفه لكم في الصواني اللي عندها..بس في البدايه بتسالكم عن عدد المدعوين واذا زاد حلويات بعد العرس اتحطيه لكم في علب وتعطيكم ياه..وبالنسبه لنا يا بنات نحن اخترنا المكسرات في البدايه مع القيمات طبعا وحلويات وبسكويت والمشروبات كلها..
يا بنات ويا عضوات الحرمه شغلها حلو..بس الله يخليكم لاتروحون لها مره وحده وتعطونها البيزات وتطمنون واتقولون خلاص هي بتسوي كل شي..خلكم وياها دووووم وقبل العرس بفتره ردوا لها واكدوا عليها كل شي واهتموا وااايد وياها واكدوا عليها اللي طلبتوه حتى قبل العرس بكم يوم حسسوها انكم مهتمين اكثر عنها عشان تطلع ضيافتكم حلوه وماتتفشلون جدام الناس..وسلامتكم
وبخصووص الحلوياااات .. وايد محلااات واكثر شي في دبي ..
إذا العرس مختارين فيه اللون الوردي انصحكم بمحل xocolate في مركز الهناء
صراحة اكثر شي عيبني الكاكاو الوردي كانج تاكلين فراولة صدق وبنفس الوقت كانه حليب فراولة
بس شوية أسعار المحل غالية كيلو الكاكاو ب170 لكن إذا خذتي كمية راعية المحل تراعيج شوية
ونتريا الخوات الباقيات يخبرونا
أختكم
الخرشة
ومفييييييد للغاية..
تسلميييين الغالية على الطرح..