اليوم بنزل لكم صور من ملجتي وان شاء الله تنال اعجابكميلا نبدأ: بسم الله
هذا صورة الفستان من جدام عند الصدر.. متروس شغل وكرستالات وعليها شكل حيوان الفهد!!
هذا من تحت
وهاي الحركة على اليد.. فيها كرستال وريش
وهاي الكوشة مع ليتات الديسكو.. كل شي من تصميمي وتنفيذي * حقوق الطبع محفوظة* ههههه
وهاي الطاولة.. زينتها ونثرت فيها كرستالات بلون فستاني وشوية ورد مجفف وفي الوسط مثل الصحن الزجاجي وحطيت فيه بعد كرستالات وورد مجفف
وهاذي الصور للكوشة مع الاضاءة العادية
وهاي صورة النافورة من سفير مول عيبتني .. من فوق على شكل كرة زجاجية بلورية تتحرك وفيها الوان ومن تحت على شكل الصدفة..
وهاي المزهرية الزجاجية وفيها ورود اصطناعية حلوة.. في المزهرية حطيت من الكرستالات والورد المجفف وطلع رووووعة
وهاي مسكتي.. كل وردة تقريبا عليها حبة كرستال.. ترى هالصور من عقب الحفلة .. يعني المسكة رايحه من الدنيا خخخخ
وهالكوبين اللي شربنا فيهم عصير.. ترى زينتهم لونها ذهبي على بيج بس في الصور طالع ابيض
وهاي صورة حق نخلة من سفير مول علقتها فوق الكرسي!!
وهاي صورة للكيكة.. مب واااضحه لاني مصورتنها من الألبوم وانا مظللة عالكيكة شوي لانه فيها اسمي واسم ريلي!!
وهاي صورة المندوس اللي فيه شبكتي ومزين بالورود.. بس مب واضح وااايد لانه من صور الالبوم
وهاي صور لعيوني .. مب واضح لانه من الالبوم.. وطبعا اللي مكيجتني الماكييرة عزة العامري جزاها الله الف خير. بس التصوير مب عاطيه المكياج حقه والله عالطبيعة غييير يجننننن..
اتمنى الصور نالت اعجابكم.. واي استفسار انا حاضرة!!
والسموحة
ثاني شي خبااااال الفستان .. صراحة شي غريب .. يونيك ع قولتهم .. و كل شي حلو و مرتب .. و المكياج احس ما خذى حقه لانه التصوير ظالمنه ..
و ربي يتمملج ع خييير
ذوقج راقي أختي .. ربي يتمم عليج بخير و عقبال ما نجوفج عروس
الميك اب شكله روعة بس خسارة مش واضح فالصور..
عالعمووم ألف ألف مبروك