اول شي القوانين
. لعرض صور المكياج ،يرجى عرض صور الوجه فقط بدون الشعر والرقبه والجسم.
4. يرجـى ان تكون الصور عبارة عن مكياج العيون وجزء من الفم فقـط.
فهمنا المعنى من اخفاء الاجزاء المخالفه بس شو الحكمه من اخفاء الانف في الصور؟ هالسؤال انطرح كم مره بس ما من مجيب
الصراحه يوم وحده تحط صوره كامله وبس الخشم مخشوش احس انه هالخرابيط عالخشم مغطيه عالمكياج كله وتعطي منظر قبيح وشفت كم عضوه مطلعه شعر ورقبه العارضه وبس خاشه الخشم؟؟!! واذا كان في سبب يمنع عرض الانف مب الاحسن انكم تقصون الصور وتكون صوره للعين وصوره للشفايف؟؟ يمكن البنات يبتعدون عن تحميل الصور من هالأسباب يا انهم يخافون يغلطون او مب متفيجات يعدلون الصور بحيث تتناسب مع هالقوانين
عدم وضع رابط دعائي لمدونة أخرى.
هذا قانون واضح صح؟ بس مره كنت حاطه رابط تعليمي عن المكياج من اليوتيوب.. موقع عالمي معروف ومفيد بس للأسف انحذف.. شو الغلط من وضع روابط من مواقع اخرى؟ هل نحن منغلقين على عمارنا مانبا شي يخصنا في المواقع الثانيه وما نبا نعطي وناخذ وياهم مع انه اي شي انتشر على النت بيكون منقول هني عالمدونة؟ في فرق كبير بين رابط دعائي ورابط عادي يكون للفايده العامه مثل اليوتيوب اللي هو موقع للفيديو مانقدر ننقل الفيديو عشان نحطه في المدونة فلازم نحط رابط الفيديو عشان الاعضاء يشوفون ارجو من المشرفات معرفه محتويات الروابط قبل حذفها هل هي بغرض الدعايه ولا لأ
وما لا حظتوا شي في الفتره الأخيره؟ القسم استوى للأستفسار اكثر من العرض شي مزعج الصراحه تقدر العضوه اللي تسأل انها تبحث بنفسها في المدونة قبل لا تسوي موضوع عن سؤال واحد وتروح وعناوين المواضيع حفظناهم من كثر مانشوفهم قبل كنا نتحمس نتحرى وحده حاطتلنا صور من شغل ماكييره ولا شي تطلع كاتبه سؤال متكرر الف مره
مب حابين نغير هالأشياء؟ ونفيد ونستفيد من بعض في هالقسم؟ المشرفات مايقدرون يسوون كل شي بروحهم لازم احنا نساعدهم ونعدل القسم ونخليه يشرح النفس انا حابه اشارك بس هالقيود والاوضاع الحاليه ما تساعد
تطرح موضوع يديد..
بخصوص القوانين ..اختي في اشيا نحنا يمكن ما نشووفها شرات ما يشوفونها الادراه..ولازم نحترم قوانين المنتدى لان مهما كان اكيد بيكون فالمصلحه العامله..^.^..
وبخصوص الاستفسارات..>>شو نسوي اذا في بعض البنات عيازات يدورون..ينزلون الموضوع ع طول..
للاسف هالشي وايد مخرب عالقسم..
صار قسم استفسارات اكثر من قسم هادف يخص التجميل و المكياج..
يعني مثلا بخصوص تغطية الخشم .. عسب ماتكون الصور كاملة .. ومن فترة نزلنا قانون بعرض العين والفم فقط بدون رقبة و شعر وغيره ..لان اهم شي فالميك اب دمج العيون و الروج الخ.. الاساس بيبين من خلال المساحة الي ظاهرة
بخصوص ان القسم تحول للاستفسار .. شو نسوي الخوات يبون العون فيطرحون مواضيعهم مع ان نزلنا ملف استفساريجمع الاستفسارات .. بس مالاقى اقبال البنات وطالبن بالمواضيع المنفردة.. وعطيناهم اللي يبونه
اتمنى انكن تكونن ويانا ايد وحدة وتساعدونا ..واني وضحتلج بعض الامور عزيزتي
اتفق معاها في موضوع عرض الصور ^^
لاننا في منتدى نسائي ما المانع من عرض الصور يا خواتي ؟
ياما قلنا ولا حياة لمن تنادي
انا لاعت جبدي الصراحه من الاستفسارات اللي تنطرح هني ولا بنزل موضوع ثاني خلاص مااااااااااااابه
وانا كاتبه موضوع نفس موضوعج قبل ،،، بس ماشي فايده ، البنات ما يتعاونن،،، وفي وايد من اللي يسجلن بس عشان يكتبن مجرد سؤال ولا شي من هالاشيا
القسم مستوي مبهدل من الخاطر
بس الله يعييييين