مقهوووووووورة من العبي جديد

والله يا بنات مقهووورة قهر

ها المواطنات يتمصخرون علينا وانتوا يالله كل وحدة و سارت فصلت لها عباية فوق ال 2024 درهم

والقهر سرت لوحدة من المصممات توها منزلة كولكشن عبيها يعني توها بادية

وكانت تتضحك بصوت عالي وما تدري اني واقفة تقول ل اختها لازم نزيد اسعار العبي البنات ما يحبون الا الاسعار الغالية يوم شي رخيص ما يفصلن

اصلا اي عباية ما تسوى فوق ال 1000 درهم بس نحن نزيد و نربح

وتمت نضحك وانا بموت بموت بموت

رديت عليها قلت لها يوم الحسااااب ربج بيسألج شو شريتي و شو بعتي و شو صرفتي شو حلال ولا حرام

صخت و تفشلت عيل تتضحكين و تخرطين ع البنات

يوم انتي ما تراعين بنات البلاد منو بيراعيهم الهنووود ابرك منكم يحليله الهندي نهزبه ولا يقول شي

هاي مب اول وحدة فيها غيرها وايد وايد

يا خواتي لا تشجعون هاي النوعية في بنات يفصلن عبي و اسعارهم اقل

ليش تروحن للغالي يعني لازم تفصلون فوق ال 1500 درهم

بالله عليكم وحدة توها بادية و تاخذ 1500 ع عباية ولا تعرف عن التصميم ولا شي بس داشة المجال عسب تحصل بيزات صح الواحد يترزق بس مب يطمع

بقول عبايةعرس فيها كرستالات وسوالف مب مشكلة

يوم كل عباية 1500 درهم احسبوا 10 عبايات ب 15000 الف يا ويلنا من رب العالمين

بنات نصيحة لا تفرووون فلووسكم والله ان ربنا بيسألنا يوم القياامة خافوا الله

انا من اليوم و ساير توبة افصل عند هاي النوعية اللي تستغلنا

بفصل عن مصممات اماراتيات و بشجعهم بعد ترى هاييل بناتنا و خواتنا ولازم نشجعهم بس في منهم يراعون و اسعارهم مب نار جهنم شرات النوعية اللي ذكرتها