مقــتطفات من -my peachy wedding – عرسـي 8 -يناير-2024 جديد

شحالكـــــن حريم و عرايس و بنوتـــأت ^_^

قبل 6 شــــهور كنت عروس شراتكن …. أزهب وأدور … و وايد أعتفست خصه أن بعدني في الجامعه

و مـــــشكـــلتي ذوقـــي و ايد صعــــب و من سابع المستحـــيلات حــد يتــزهب عني !!!!

المهم … أنا ســـتايلي سمبل و اااااااااااااايد بس سمبل راهي ^_^

حاولت قد ما اقدر اني اخلي بصمتي في كل حـــته

1- بغـــيت عرسي outdoor في الهواء الطلق …. بس كان شهر واحد يعني برد بالمختصر الناس اما يخترسون او يتجمدون محـــد رضى …. !!! و سويته indoor

المهم تميت على الثيم انه الالوان باستيل بتدرجات المشمشي و الوردي مع الاسود Pale pink +peachy pink + black

^_^ ماشاءالله الله أكـــــبر ^_^

2- طبعا تغــــير كل الـ plan من عرس رقيق بن الاشجار و الطبيعه…

so تحولت القاعه الى كوشه بيضاء نازل منها chandelier ثـــريه كريستاليه و الممشى كان على حرف U و أضاءه ورديه فالكوشه بينت ورديه شوي (عن خاطري) والطاولات 20 طاوله طويله كل طاوله تشل 24 حرمه و السنتر بيسيز عباره عن 5 مزهريات ورود صغار على كل طاوله و امبنيهن شموع + شجره من الحديد حوالي 80 سم(يعني بس افرع) ستاندها ورود و معلق بها شموع و كريستال ^_^

و الاكل كان بوفيه …. و حطـــيت حوالين البوفيه 3 من أشجار السنتير بيس بس أكبر تي من الأرض حوالي 150 سم

( الكـــــــوشه و الترتيب سويتهن في مــــحل في الشارجه طبعا خليته يركب الكوشه والترتيب قبله بيوم بدون الورود عشان أطمن ….والحمدلله بيض الويه ^_^

3- طبعا عرسي ماكان في حركات و كان عادي …. بس خليت 10 من عيالنا flower girls و لبستهم مشمي و 3 من خواتي Bride mades و شلو نفس باقتي مصغره ….

أنا دشيت روحي el flower girls كانو على اطراف الكوشه يفرون الورود و bride mades كانو وراي بمسافه ..

فـــساتين الـــ bride mades تفصــــيل (تصميمي) في دبي )

4- فـــــستـــــــــــــاني

أشتـــــريته جاهــــــز من VALENTINO و كان فيه قصه بس بكبره دانتيل فرنسي ناعم Freanch lace و لــــونه بيـــــج D=

طــــــبعا أمـــي حلفت على مالبسه اذا مافيه و لا كريستاله

و انا مووول ماكنت ابا بس ترسته كريستال سوارفسكي مشمشي أصغر حجم و لولو احجااااام طلع رووووعه so ماخترب ال lace بالشج و الدفاشه و تميت المع مع كل خطوه لووول^_^
و الطرحه بعد من VALENTINO كانت puffy من فوق و مزموومه من نص الظهر و نازله أطول عن الفستان ب متر ونص و أطرافها نفس الـ lace الي على الفستان و رشيتها لولو وكريستال

ما لبست تاج حطيت في الطرحه طوق لولو كبار و طبعا رشيته كريستال صغار (شغلتي bling bling)

5-

الميـــــــــكياج

سمبل ايلانير اسود و شادو وردي فاتح و روج وردي روزي غامج
و تميت أقوللها خـــفي 2MUCH لين ما نازعتني

الشـــــعر

وحده لبنانيه بس سشورته و لفته و يوم لبستني الطرحه فجت الـ CURLS و سوتلي بف
ما بغـــــيت مهرجان ^.^

الذهب

كان ذهب ابيض و ألماس و لولو كبار (عشان يمشي ويا الستابل )

المسكه

لان الستايل ناعم ما يتحمل سويت الباقه hand tied و كانت وايد طويله و فيها بيبي روز baby rose و لولو نفس فساني و شريطه سوده و لفتها بشريطه مشمشيه من صوب مسكة ايدي
و الصراحه كانت مب بس رووووعه كانت تخبل 100% مثل ما بغيتها

و سويتها في المحل الي دوم اتعامل وياه الفلبينه قتلها الستايل و وظبتها و وصلتها الساعه 6 الفندق

البــــطايق

كانت كيــــــــوت لونها مشمشي و بدايتها ظل صورتي و صورة ريلي بطريقة SILHOUETTE يعني بس ظل و مكتوبه بالأسود كانت كرتين واحد بالعربي و احد بالانجليزي
داخل ظرف شفاف TRACING PAPER مطبوع عليه ثريه بالاسود طبعا (تصميمي)

و سويتها عند راعي الكوشه

التــــصوير

الشي الوحيد الي ماكان مثل ما ابا , صح صورت خطوه خطوه و انا اتمكيج و البس و جي بس و تصويرها حلو !!!!
بـــــــــس
1- في العقد المفروض بوران نفسها تي!!! مايت !!!! طرشت و حده ثانيه !!!

2-بغيت تصوير مودرن 100% و بإضاءه مختلفه مره ظل و جي ماصورت !!

3- و ايد تتأخر !!!! بس سرت و قتلها كل هالكلام و كنت محرجه و اونها تلومت و وعدتني ان لو الالبوم ماعيبني بتسوي لي واحد يديد ببلاش !!!! huh will see

إن شاء الله أكــــــون فدتـــــكن و عيبتكم المقتطفات
و اسمحولي لو الصورصغار ومب وايد لاني ماعرفت اضلل الباجين عدل
و اي استفسار انا حــــاضره ^.^

و ودي أعرف رايكم !!!

و ادعـــــولي الله يديم المحبه و العشره الطيبه بيني و بين ريلي و الله يبعد الحاسدين ^.^ آمــــــــــــــــــين

و عقبال العاوزيييييييييييييييين ياااااااااااارب