اشحالكن يالغاليات عسااكن بخير وما تكشن باس يا ربي
لكم وحشه يوم واحد ما دشيت المدونة حسيت مب شي اقول شي ناقصني
والحمدالله الشقق الفندقيه اللي فيها الحين انا طلع فيها انترنت
المهم بخبركم السالفه شو صار
تاريخ 26 يوم الخميس الصبح ريلي قالي شو راايج نروح عمان منطقه صحار بالتحديد علشان البحر خاطره يروح قتله زين وساعتها انا كنت في الدوام المهم طلعت من الدوام الظهر ووصلت البيت ورقدت
ونشيت الساعه 5 العصر قالي نروح عمان قتله لحظه شوي عطني ساعتين بروح مشوار وبرجع قالي وين بتروحين قتله لا تتخبر بروح وبرجع ولا ادقلي وباخذ معاي الشغاله
قالي انزين وقتله انته تجهز وخبرت الشغاله الثانيه تحط ملابس عيالي في الشنطه
المهم في هالساعتين اول شي سرت باريس غالري وخذت عطور حق ريلي وعقب ديتهن يغلفونهن
وبعدها سرت نعومي وخذت قميصين نوم وشغلات
وبعدها سرت المكتبه اخذ شموع ووورد مجفف وختمتها في محل الورد خذت ورد احمر
المهم بعدين تطورت قلت كله بيجوفها ماشي حل غير اخذ كيس كبيره اللي تتصكر بالسحاب
وحطيت فيها الاغراض
المهم رديت البيت وعاادي
قتله خلاص الحينه حطوا الاغراض وخلنا نرووح
وهو مسكين يفكر فديته هب عارف شو السالفه
بعد ما وصلنا عمان قلت حق ريلي بنحط العيال عن اختيه وانا وانته بنروح بروحنا في الفندق قالي اوكيه
المهم سار هو وحجز في شقق فندقه والصراحه نظيف وروعه ورجعنا بيت اختي وكملنا السهره
وعقب قتله انته كمل سهر ويا ريل اختيه انا شوي بروح الشقه وبيي قالي انزين
المهم ييت الفندق ورتبت كل شي وقتله انا ما برجع انته تعالي قالي ليش قتله راسي يعورني ما اقدر اسهر تعال الفندق قالي اوكيه المهم وصل طبعا الفندق طبعا حجزين صاله ويا غرفه ومطبخ تحضري
وقلت عاد بصورلكم وبحط الصور وان شاء الله تعيبكم الصور والصور ملك خاص من تصويري وان شاء الله باجر بنزل حقكم صور البحر واماكن حلوه في عمان
الفندق : الفراشه للشقق الفندقيه (( مطل ع البحر )) نظام افريفي ونظيف وكل شي فيه اكل انترنت ومطعم وحوض سباحه
وعاد الحين جوفوا الصور واللي حابه تستفسر حياها في الخاص
(1)
(2)
(3)
(4)
(5)
والحينه دور الغرف وتجوفون ترتيبي على السريع طبعا بدون مناسبه بس قلت في خاطري بسوي جو
(6)
(7)
السرير ويا الهديه سوري ما صورت الهديه لانه على السريع
(8)
(9)
ها زيت المساج وكريم سويت للجسم وباودر وجل و…… من نعومي المجموعه
(10)
ها صورة للحمام وانتوا بكرامه سويت شوي فيه جو
(11)
وطبعا هذولا الالباس اللي خذتهن بس صورت القميصين ونسيت الصور البجايم والنعول حقهن
لبسين لون احمر ولون بنفسجي البس اليديد من الكاتلوج اليديد
(12)
واخيرا صورت الصاله على السريع طبعا ما عدلتها علشان يتفاجا في الغرفه
وحليله فديته استانس ووايد وعيبته الهديه واايد صدمتيني وكان فيني فضول اعرف شو في الكيس وطلع اخر شي سبرايز وساعتها رقدنا الساغع 7 الصبح وقدنا وسوالفنا وتونسنا
وقالي يوم نرجع لج سبرايز من عندي وعاد اتريا ارجع علشان اعرف السبرايز وبخبركم
وشووو رايكن على الرحله السريعه والترتيب السريع ان شاء الله عيبتكم مع انه مب مخططين بس ياين علشان البحر العيال يستانسون وعيالي وحليلهم بيت اختيه
تحياتي
لليميع
واي ملاحظه الخاص مفتوح واي استفسار بعد
المشاركة الأصلية كتبت بواسطة برق لمع 
تسلمين فديتج الذوق منج حبووبه لا عدمت مرورج الطيب
الله يسعدكم 
المشاركة الأصلية كتبت بواسطة سمية عبدالله الله يسعدكم
مرورج الاحلى اختيه
تسلمين من ذووقج يالغاليه
والله يسعدج ويهنيج وين ماكنتي ويبعد عنج الكرب يا ربي
سلامي لج
انا ملقوفه .. بس حبيت الترتيب وربي يخليلج ريلج وعيالج
والله يرزقني
.
.