&& مــنــدي مرحباني وصل لعيونكم && باااك رجعت لعيونكم طبق اماراتي

السلام عليكم ورحمه الله وبركاته

شحالكم خواتي اشتقت لكم ورجعت لعيونكم

وبما اناا اليووووم اجازه ف حبيت ادش واسلم عليكم وولهت ع الكل بدون استثناء اشتقت لقسم الطبخ

ولكل المشرفات والعضووات

ومشكورين لكل الي سال عني

احبكم ف الله

ونرد لوصفات مرحباني بما اناا مواضيعي اختفت منها الصور بحاول قد مااقدر اردهن

ونبداا اليوم ف وصفة المندي

7

7

7

7

7

7

7

7

المقادير :

ديااي + بهارات عدله ( هيل + قرفه + مسمار )
عيش
بصل + فلفل اخضر + زيت + ملح + بهارات + مكعب ماجي
لون الزعفران + زيت زيتون + كركم ( ليمون مقطع ) + زبيب

فحم + هيل مطحون ( لتبخير العيش )

وليمون + بيض + فلفل اخضر ( لتزيين )

الطريقه :

ف البدايه نفص الديااي لنصفين ونغسلهاا ونحطها ف مااي ونحط عليهاا الاعواد شوية كركم ملح

ونخليهاا تنسلق سلق متوسط

اذاا استوت الدياايه نشلها ونحطها ف صينيه ونمسح عليهاا ( لون الزعفران + ملح + بهارات + زيت زيتون ) نخطهم ونمسح فيهاا الديااي ونحط لهاا كووب مرق ف الصينيه وندخلها الفرن تتحمر

من تحت عقب من فووق

نغسل العيش وقبل نكون منقعينه ف المااي ونحط له شوية مرق + مااي ع حسب العيش الي انتتي حاطتنه

ولازم يكون المرق قدر انمله للعيش لا نكثر ابداا مجرد يستوي العيش نص استوااء نسكره ونغرس ليمون مقطع

الكشنه للعيش عباره عن ( زيت نحمسه ونضع البصل وعقب الاعواد ومكعب الماجي والزبييب الين يتغير لون البصل ونضع ملعقة بهارات ونصف كوب مرق )

نحط لون الزعفران ع الويهه وعقب الكشنه او ترومين تستخدمين زعفران ونظهر الديااي من الفرن

ونحط الفحم للتبخيير ونخلي العيش يتسكر ربع ساعه

ولا ننسى نزينه

وبالهنا والعافيه

دعوه منكم تكفيني

اختكم

مرحباني