مرحبــــا الغاليات .. كيفكووووون
منـــو متذكــر يومياتي مع الرجيم والرياضه .. كح كح كح قبل سنـــه لوول
كنت اكتب يومياتي مع رجيمي القاسي … ياما بنات نبهوني وقالوا غلط اللي تسوينه
لكني ما سمعت .. كنت أشوف فستان الحفله في عيوني كل ماشوف الاكل ..
ما كنت اكل موليه في اليوم يمكن حبتين سلايس وكرك … صح اني نزلت في الشهر 5 كيلــو
مع الرياضه طبعا …
( بس ويهي استوى شاحب وخدودي الحلوه انشفطوا ويهي حبب )
بصراحه ندمت اني سويت رجيم بهالقساوه …
ودرت الرجيم والرياضه لمدة ( سنه ) … <<<< اكل ورقاد اكل ورقاد اكل ورقاد ..
بعد سنه قررت اني ( ارد اسير الجم ) بس بدون رجيم ..
والحمدلله من شهر ( 11 ) العام سجلت في الجم .. تمرنت لمدة شهرين نزلت ( 6كيلو )
,, قطعت شهر لأني كنت مسافره شهر (1 )
بس الحمدلله ما زدت ورديت الحينه سجلت في الجم ..
تدرون بنات شو أهم شــــي ( الحركـــــــــــــــــــه ) …
صدقوني لو تسوون رجيم ما راح اتخفون ولا جسمكم ينشد بسرعه اذا ماشي حركه ..
انا اكل فاست فود .. كاكاو .. اللي في خاطري ما افتكر (( لأني اتمرن ))
والحمدلله ماشاء الله مع هالاكل ( أضعــف ) ,,
المدربه روحها قالت لي ماشاء الله ضعفتي واحلويتي ^.^
هيه لا تشوفون وزنكم كل يومين .. ها روحه تحطيم ..
انا شفت وزني بعد شهرين .. << صبوره ^^ .. انتوا ع الاقل شهــر ..
لانه بعد اسبوعين جسمج بيبتدي يتغير .. مب من اول اسبوع ..
الحيــــنه وزنـــي ( 65 ) ,, ان شاء الله الشهر الياي تاريخ ( 14 ) بخبركم كم وصلت لاني بكمل شهر ..
اللي ما تقدر اتسير صالة رياضه بامكانها تمشي في الحوي لمدة نص ساعه او ساعه ..
يــــلا عيشــــوا حياتكمــ بس مع الحركه ^ـــــ^ ..
ببـــاي
تصدقين انا وصلت لهالفكرة
ما اقدر انزل مول لو يعلني شو ما سويت
احس خلاص سنترت على هالرقم اللي بتوقيعي ..
الحين اقول بخاطري اكيد يبي لي حركة عشان اقدر انزل لو جرامات معدوده
بس الاغلبييه مايعرفووون هالشى
يتبعوون رجييييم قاسي واللي ينزلونه يرد لهم
غييير يوم بتسسوين رياضه وبتاحفظيييين ع اكلج
تسلميييين الغاليه ع النصييحه الحلوه
^^
موفقات حبوبات ..وانا شراتكم بس مشكلتي قليلة الحركه ..الله يعين
احسن شيىء تآكلين أكل صحي والمشي لمدة 45دقيقه مثل الأخت همس وأنا أكبر دليل بمشاركتي في موضوعها ونزلي للوزن ….
وسجلي اليوم والتاريخ وسويلج شريط الوزن للتشجيع والله يوفقكج….. وصعب الواحد يتقيد بأكل محدد
وعمري ماتبعت رجيم
حتى لو الوحده ما تسير الجم،، ممكن تمشي في اي مكان ،، والايروبيك يبيعونه على DVD ،، و ممكن تسويه في البيت،،
لانه صدقج الحرمان مب شي،، 
حتى لاحظي،، وايد بنات يغارون من اجسام الخدامات،،، اوونه هيييه ياكلون عيش كل يوم بس ضعاااااااف ومادري شو اكيد اعشاب وخلطات،،بس لو الوحدة تفكر تكرف كرافهم يوميا ،، و لو كل البيوت تستغني عن الخدم جااااان ولا بنية دبة بتم في الامارات هههههههه
وتسلمين وان شاء الله تنزلين وزنج بصحة وعافية