بنات والله انصدمت من اللي يدرسونه لبنتي
اللي بصف اول بمادة العلوم ومحتاره شو اسوي
مع اني ادري لو رحت واشتكيت للأداره ماشي بيتغير وبيطلعوني اني مب فاهمه شي
ولا معقوله ببلد مسلم يدرسون عيالنا عن صنع الطبيعه والمقصود به الاشجار والجبال يعني (( خلق الله ))
بس التعريف بالأنجليزي……. Nature made
يعني صنع الطبيعه ومدرسته اجنبيه والله العالم شو ديانتها .. لو هي عربيه ومسلمه اكيد بتوضح للطلبه بس مدرستهم اجنبيه وهذا اللي قاهرني
وياما بنشوف بس ماتوصل لعقيدتنا
لي مواقف كثيره مع مدارس عيالي مع انها حكوميه واقل شي تقوله المديره روحي قدمي شكوه للوزاره .. المسكينه مالها سلطه لاتحل ولا تربط
بنات شو الحل ؟؟؟؟؟؟
اشتكي ولا انطم واسكت
وايد عليهن…..يوم يبن الشي بيسونه وبيحلنه ولا تطلع المدرسه بصوره سيئه….واللي مايبا….يدق راسه بالطوفه
الله كريم حبيبتي…………….
بصراحه قمه المهزله ؟؟؟ هل هالشي مكتوب في الكتاب والا هو من عند المعلمه يعني ؟؟؟؟
انا بنظري انج ما تسكتين لانه هالشي مب هين ويمس عقيدتنا وخاصه انه يتدرس لأطفال في مرحله الزهور يعني هالشي بيرسخ في بالهم … ما فيها شي اتصلي للوزاره اذا ما تقدرين تسيرين و كلمي اكبر راس تقدرين توصلين له … خاطري أعرف الناس اللي مسوين عمرهم مسؤولين و أونهم يسوون رقابه على الكتب و يقعدون بالشهور يدرسون كل صفحه وكل سطر فيها ما يشوفون هالبلاوي اللي كل مره تطلع لنا بكتاب ؟؟؟
الله يستر من اللي ياي !
ويعرف اميز ان كل الاماكن ما تحوي الاغراض نفسها يعني بيئة الحديقه غير طبعا عن بيئة الصحراء وبيئة الصف غير بيئه المطبخ وعلموهم ان في بيئه تحتوي على كائنات حيه وغير حيه وعلى اغراض مختلفه
وتعليمهم التفريق بين البيئه الطبيعيه التي ليس للانسان دخل في صنعها وبين البيئه التي من صنع العمران بس ما شوف الصراحه في اي شي بل العكس الطفل لازم افرق شو الي من عند الله وشو الي من صنع الانسان
now where is the problem here!!!!