معرض الكتاب إلى في الشارجة؟؟؟

المشاركة الأصلية كتبت بواسطة Miss Cavalli

الغاليه اسمحيلي على التصحيح .. المعرض بدا البارحه .. 11-11-2009 .. و بيستمر لين 21-11 ان شاء الله

صح كلامج اختي المعض مفتوح في هالفتره …

و هذا موقع معرض الشارقه الدولي للكتاب و مبين فيه مدة المعرض ^^

https://www.sharjahbookfair.com/

ان شاء الله بحاول أسيره جريب ..

واذا تبين تعرفين شو تاخذين لعيالج ..

أنا بقولج شو تاخذين ..

ركزي على الأشياء التعليميه السلسه .. لانها ما تتحصل في كل مكان و بتحصلين شرات بعض الأشياء في مركز التعليم المبكر و تويز أر أس بأضعاااف سعرهم ^^

عندج مكعبات تعليميه من الخشب واايد حلوه ومفيده في تعليم الأطفال للأرقام والحروف وطريقه العد بأسلوب مسلي ولدي الله يحفظه عمره ثلاث سنوات و تعلم العد عن طريق هالألعاب ..
و عندج نفس الشي لتعليم الأشكال و الألوان وغيره ..

كنت شاريه نفس هالعلبه تقريبا بس أكبر فيها مجموعه كبيره ..
كل مكعب مقسوم نصين والياهل يركبهم على بعض نص مكتوب فيه الرقم والنص الثاني اشكال مثلا 3 بطات على حسب العدد المكتوب يعني و هو يركبهم على بعض .. و نفس الشي الاشكال والالوان .. كله مكس على بعض يعني .. صج مفيييييييييد ..

و كنت ماخذه شرات هالاشكال .. منها يتعلم ومنها يتسلى ويلعب ..

هاي مفيده لتعليم الأشكال كالمربع والدائره والمستطيل .. و الاحجام بعد كبير وصغير و وسط ..

و في صلصال لفييييييييت كل مكان أدور شراته وما حصلت اييج شرات الكرات الصغيره ما يوسخ ابدااااااااا ما ادري كيف يلصقون ببعض !! طريقتهم حلوه ومتروووس منهم المعرض بتشوفينهم مشكلينهم على شكل كور ملونه و كلها حبيبات صغيره ^^

و لتعليم حروف الهجاء بالعربي بتلاقين شرات هاي بعد ..

و في لوحه شرات هاي بس للحروف شي بالعربي وشي بالانجليزي فيها جيوب والحرف بداخلها وااايد حلوه حق اليهال علشان يحفظون الحروف .. ان شاء الله باخذها يوم بسير ^^

و بتحصلين شرات هذا .. بديل للمكعبات و مسلي أكثر .. حركه حلوه و مسليه ^^
مفيده و تنمي خيال الطفل ..

و اذا عيالج بدوا ياخذون الساعه خذيلهم شرات هاي في ساعه خشب كامل ..

بتحصلين في القاعه رقم 1 دور نشر كتب الطفل .. شفته في خريطه المعرض ^^

أظني بتفتقرين جان كملت لج أكثر … أحسن لي أسكت ^^

طبعا أنا ما تكلمت عن الكتب لانه الكتب انتي تختارينها بمزاجج يوم بتسيرين اقعدي فرفري الكتب واختاري اللي يعيبج ^^ و في عروض حلوه استغليها مثلا يسوولج مجموعه كتب عرض مع بعض ..

و يا الله نتلاقى بعد المعرض و خلونا نشوف أغراضكم ^^