@@@معاناتي مع تعليم بنتي الحمام @@@ للسياحة

خواتي بنتي عمرها 3 سنوات و 4 شهور بديت اعلمها عالحمام لما عمرها سنتين و4 شهور بس كنت حامل خبلت فيني تميت شهر و نص احاول فيها ولا تعلمت ما قدرت اكمل لانها ما كانت ترضي تروح الحمام واتم اسحبها واشلها فخفت اطيح واجلت التعليم لبعد الولاده عقب لما اختها خلصت الاربعين علمتها مره ثانيه والحين تقريبا مكمله 8 شهور من بديت اعلمها ولا في فايده

جربت كل شي الهدايا لو راحت الحمام الاستيكرات العبهااا بالحمام خبلت فيني الحين كله اعصب عليها وازعل منها ،اضربها ولا فايده

هي ذكيه وايد واحسها تتكاسل وتعاند لما جربت احط النونيه بالحجره تسويها فيها مرات ولما ما اوديها الحمام بعد ما تبول الله يكرمكم تخبرني جربت اخليها بوساختها شوي عسب تحس ولا فاد

صارت عقب ما تعملها تروح الكبت تبدل ثيابها ولا عبالهااا ويوم قمت اعصب عليها واحرمها من الرسوم تخبي الثياب الوسخه وتلبس نضيف طبعا لو كانت متفيجه خخخخخ

مررات ييها اسبوع اسبوعين تروح الحمام وعقب ترجع نفس ما كانت ،حتي لما كانت تروح انا كنت اخبرها ولا مره يت من نفسها قالت وديني الحمام

ومرات تقولي انا ببول عنفسي !!! تعاند ومرات تعملها عالنونيه وهي لابسه ثيابها من العيازه

والله جننتني صرت كله اصارخ عليها واخوفها ولا شي فاد !!!!

اللي تساعدني بدعي لها ليل نهار صدقوني