تحياتي القلبيه لاعضاء المدونة «®°·.¸.•°°·.¸¸.•°°·.¸.•°®»
اكتب لكم معاناتي مع الشعر والليزر :1 (2):
تعبت وانا اسوي جلسات ليزر
اولا من خمس سنوات سويت 6 جلسات في مستشفى زايد
وماشي فايده
وثانيا سويت جلسه في ابن سينا بس ما اتحملت الالم
وثالثا سويت برا في الخارج ثلاث جلسات والحمد لله تقريبا الربع خف من وجهي لكن بس الربع
رابعا وهو حاليا اول جلسه في المستشفى الاماراتي الفرنسي وسوتلي موعد بعد ثلاث شهور والحين الصراحه مضايقه من شكلي لان هم طالبين احلقه ما اشيله بالخيط ولا الشمع وما عارفه شو اسوي انصحوني وعطوني احسن مركز بابوظبي يسوي ليزر وله نتيجه
وعلى فكره اسم الليزر الي يعملولي الحين ipls [/grade]
الله يكون عونج حبيبتي ..
8 جلسات … عند دكتور مختص والكل كان يمدحه .. بس للأسف الشعر زايد فيني ……. وفلوسي راحت ع الفاضي والشئ الاكبر من هذا استوالي تشوه في خدودي … مثل الكدمات الحمراء ابد ما تروح …. 
وصراحة الحين من عارفة شو اسوي … ما انصحج تروحين تجربين ….. مره ثانية وثالثة … لان الليزر عبارة عن اشعة الشمس الحارة .. واحنا جونا حار … وبمجرد ما نطلع برع … ع طول ويهتنا يتأثر من الشمس فمابالج يمشون اشعة الشمس ع البشرة وخاصة بشرة الوجة .. وهي ارق بشرة …
اصبري …. لا تتسرعين .. اذا سوتي كذا مره … وما عطاج نتيجة يعني عمرج ما بيعطيج نتيجة …….
يقولون السوف لايت زين … بس ما ادري اخاف اجازف انا … كل اللي اسوية الحين اشيلة بمكينة براون …. اللي تنزع الشعر من جذور …. وبعد ما اخلص امرر ليمون ع المنطقة اللي انا شايلة منها الشعر يقولن الليمون يخفف الشعر … وعقب اغسل ويهي بماء بارد .. وعقب احط معقم ودوا مضاد للأحمرار
بعدين انا سمعت انا الليزر لازم تسوينه بعد ما تنتهي المشكله كل ما يطلع شعر ولو شويه وحتى لو كل سنه مره
انا أعرف وحده سوت ليزر لريولها في مركز اسيثتك للعناية بالبشره .. سوت بس جلستين و وااااااااااااااااااايد خف الشعر اللي في ريولها وااايد وايد فرق .. يعني الحين يطلعلها شعر بس خفيييف ..