خواتي مب عارفه شو اعطي ولديه!!!! قبل كنت اعطيه حليب نان1 لين ما كمل 6 شهور وعقبها نان2 لين ماكمل سنه وشهرين وعقبها بديت بنان3 بس موول ما تقبله فرديت على نان2 ولاحظت انه عقب ما يشرب يتم يكح وفترات يرجع من كثر الكحه…غيرته له الحليب من شهر ونص تقريبا وقمت اعطيه نيدو2 من عمر سنه لين 3 سنين الحمدلله تقبله بس بطنه يابس!!!!!! ماعرف شو اعطيه قلت برد على نان2 هالفتره واخاف يرد مثل قبل!!!…….. مب عارفه شو اعطييييه!!!
حطي له عسل مع الحليب عشان يلين بطنه
ولدي من بدا ياكل ودر المرضعه و الحليب.. تقريبا من كان عمره 9 شهور
وكنت استخدم له اس26 و عايلته _قوم بروميل_
والحين لي بنت 7 شهور و استخدم الها سيميلاك و عايلته
هاي خبراتي مع حليب الاطفال..
الله يجعل عيالنا من الذريه الصالحه ان شاء الله
نجمة الفجر
دورت بجوجل كثير امهات مدحوه قالوا فيتامينات ويزيد الوزن قمت اعطيها بالليل مرة بس قبل ما تنام والحمدلله ما سببلها امساك ولا شي واتعودت عليه بسرعة مع اني جربتلها نان واس26 قبل بس ما تقبلتهم