معاناة طالبة جامعية التعليم العالي

السلام عليكم بنات ,, شحالكم ..اليوم حبيت اكتب معاناتي في التسجيل مثل ما كلكم تعرفون كيف نظام الجامعات ..

آآآآآآآآآآآآآآآآآآآآآآآآآآآآه

بدا التسجيل وبدت المذلة ,,, تعودنا من دخلنا الجامعه ونحن نسجل بالنت ونفتك

لكن هالسمستر ما يستوي نسجل بالنت … ليييييييييييييييييييييييييش

والله قاعدين نطور ونعدل في السيستم ,,, لاااااااااااااااااااااا

يعني الشعب بتنغلق بسرعه واذا انغلقت ,,, ياوييييييييييييييييييييييلنا

سيري ودوري شعبه غير وماده غير والله يعلم منو هالدكتور ولا اي وقت بيفرونج …واذا بغيتي نفس الشعبه سيري سوي رفع سقف واكسري ييدار ودزي الطوفه ,,, حشى ,,عاملة بنيان ,,,

من وصلت الجامعه وابا اسير عند المرشد اسمع البنات يقولون الشعب اللي بغيناها انغلت ,,, يتني صدددددددددمه

المهم سرت وخليت المرشد يوقع وانا فيني صيااااااااااااح ,, زايغه ان الشعب تنغلق وزايغه من المواد ,, واقول بخاطري

بلا هالمذلة اطلع من الجامعه ادور لي شغل احسن لي ,,عقب اتعوذ من ابليس واقول ,, لا لا اهم شي الشهاده ,, الشغل رزق من الله وعلى الله

سرت المالية لازم ادفع ,,, اوني منحه بس لازم ندفع تامين صحي وانشطة طلابية… تامين طل من زين عيادتهم ,,ما فيها ادوية ..

واوقفي طابور لين ايي دورج من الزحمه .. اقول حق السيكيوريتي اللي تنظم ..شو ها السيد ما يتحرك تقول لي ..ما عليه جنه زحمه دبي لين توصلون المهرجان …خخخخخخ

وعقب دور المسجلة …وااااااااااااااااااي

وتبتدي الضرابه والزحمه اللي عندها ..

الا اشوفها تقول حق وحده عندج تعارض وحق الثانيه الشعبه مغلق وحق الثالثه ما ادري شو .. قلت رحت فيها عيل
لين ما يا دوري روحي طلعت قلت اكيد بطلع مسجله مادتين وسيري راكضي حق باجي المواد

وطوووووووووول الوقت وانا ادعي ..ياااااااااااااااااااارب تيسر لي اموري واستغفر وحاله واتصل في اختي واتشكى واختي تقول لي ما عليه كلنا عانينا ووقفنا ما عليه هاي مصاعب الحياة ..
وصل دوري ,, واشوفها تسجل وتطالع الكمبيوتر ,,

قالتلي ,,,, تسجلت لج كل المواد …

هاااااااااااااا شووووووووووووووووو …؟؟

انا في حلم .. معقول ,,

والله استانسسسسسسسسسسست ,, وقلت الف الحمدلله

بنات هذا جزء من معاناتي ومعاناة اي طالبة تدرس في شي اسمه جامعه

والسموحه عالمغثه لكن حبيت اطلع اللي بخاطري شوي

كلنا نعاني من شي اسمه جامعة …
كنت أتحسب عقب ما إنخلص الثانوية بنرتاح للأبد.. بس طلع العكس هم وغم خخخخخ
أنا بعد هالسيمستر رايحة فيها خلاص ماقدر استحمل ،،
كل يوم أعد الأيام لين الإجازة لوووول
بس شو انسوي ،، لازم نتحمل عشان الشهادة العودة اللي بتميزنا عن غيرنا …
أما عن نظام التسجيل للسيمستر الياي.. بعدنا أعتقد عقب كمن اسبوع..
وعن سالفة الدكاترة .. أنا قبل كنت وايد أهتم منو الدكتور اللي بيدرسني وجي..ولين الحينه..
بس إذا انجبرت خلاص.. أرضى بالواقع لوول
هالكورس تقريبا كل الدكاترة يرفعووون الضغط.. إلا واحد لوووووول الله يديمه على حاله ..
ومسموحة الغالية وأصلا من حقج تطلعين اللي في خاطرج والا بتتعبين..
أنا حليلهم ربعي ملعوزتنهم من كثر ما أشتكي خخخخ..
الله يعينا ويعينج

الله يكون بعونج اختي…هذي المعاناه هي اللي شردتني من جامعة الامارات مع اني كنت سنه اولى هندسه والوالده كانت تزن عليه وتباني اكمل …بس الحمدالله رحمه من رب العالمين حولت جامعة زايد وافتكيت احلى شي عندنا انهم يزهبولج جدولج بدون تعب ولا معاناه ولا ركيض ولا دبيج ومايحتاي تشجحين من اليدار من صباح الله وتترين المشرفه تسجلج المواد…

الله يعينكم اختي

ووووووووووووويه يا حليلكم

الله يكون في عونكم وعون اليميع

انا في البكالريوس كنت في كلية الدراسات والجدول يينا زاهب من عندهم

لكن الحينه ادرس دبلوم في جامعة الشارجة وانصدمت يوم شفت امة محمد كلها يالسة تتريا في القاعة شو السالفة وجي هذيل ميلسات هنا وشو هالاوراق وليش يراكضن من غرفة لغرفة الصراحة تفاجأت بهالشيء ولا عندي حد يخبرني ان اي شيء اسمه تسجيل وبالارقام واذا طلع تعارض وغيره فكنت كل يوم ايلس للساعة 5 لين الموظفات يروحن بيوتهن , بس صدق قعدة مملة وقرف ويوعووووووووووع

سجلت وخلصت وبدينا في القرف

الله يسهل وافتك من هالدراسة

شكلي بقضي عمري كله في الدراسة
كل شهادة باخذها من جامعة خخخخخخخخ

هيه والله حتى انا ربيعاتي طفرتهم

الله يعين