مطلوب نادي جيم فعيمان للحم الصحي

خواتي الموضوع من عنوانه

اللي تعرف نادي زوين وسعره معقول فعيمان او الشارجة تخبرنيه بس لو فالشارجة تخبرني مكانه ويكون جريب

عزيزتي..
اذا تبين في عيمان… في مركز دار الرشاقة على كورنيش عيمان زين واسعاره جيده
وفي الشارجه عندج نادي السيدات.. وصالة اوكسجين في مركز حلوان.. وقصر الملكه على البحيره بعد..
اتمنى اني قدرت اساعدج

اختي ممكن تشوفي جيم فندق كمبنسكي عندهم باكج زين

و حتى حلو للاطفال و السعر اكيد بيكون مخفض اذا ما تبين تضيفي استخدام المسبح و البحر حق اولادك

اتصلي فيهم و اسالي

عندج في عيمان نادي الضيافة اسعاره رخيصه ..

نادري الامارات على بحر الشارجه يعنى قبل ما توصلين دوار كورال بيتش اسعاره زينه ..

صالة الاكسجين في الشارجه ..

دار الرشاقة .. في الرميلة عيمان اسعاره زينه ..

نادى الحكمة في عيمان عندهم بكج ..

نادى جمعية ام المؤمنين في عيمان ..

مشكووورة حبيبتي ماقصرتي ربي يوفجج

الغاليه دامج في عيمان اقرب لج ام القيوين عندهم سبا ونادي فظيييييييييييييييييييييع وكشخه اسمه ايمار سبا الاشتراك ب 350 درهم سباحه وايروبيك وجم ويوجا وساونا تخيلي بس بهالسعر وانا شخصيا جربتهم وعندهم مدربات روعه بس احسن وحده مدربه اسمها حسنا ممتازة تجنن ادربني وانا مشتركه عندها اشتراك خاص ب 500 درهم في الشهر تعطيني حصص خاصه وتركز عالاماكن اللي ابي انحفها انشالله اكون افدتكم