مطعم Spectrum in one

السلام عليكم

بنات الاسبوع الجاي ان شاء الله حبيت احجز في مطعم وافاجئ ريلي..
دورت ودورت لين رسيت على هالمطعم سبيكتروم ان ون.. في فندق فيرمونت في دبي..
اللي خلاني اختاره فيه غرف خاصة.. Private Rooms.. ويصير نقولهم يرتبون المكان من ورد وشموع.. اتصلتلهم اليوم وحجزت الغرفة.. قالي الريال ان في الغرفة لازم طلب الشخص الواحد ما يقل عن 380 هاي غير المشروبات.. بس ما قلتله يحط شموع وورد لان قال لازم اطلب ما يحطون من عندهم..

سؤالي.. حد منكم راح للمطعم وجرب الاكل.. وشنو رايكم فيه..

مشكورين مقدما

Up-Date

توني اتصلت مرة ثانية عشان اطلب يحطون ورد..
رد علي نفس الفلبيني عقب نص رنة.. قلتله اتصلت لك من ساعة وحجزت عندكم غرفة.. عرفني .. وقلتله بغيت اطلب ورد وشموع..
قال الشموع اولردي موجودين ما يحتاي اطلبهم.. بس الورد قال سوري ما عندنا ورد خلصوا.. متصلة في اخر لحظة..
اشدخل انا حجزي حق يوم الثلاثاء الجاي هههههه يعني ما عندهم ورد لين الثلاثاء.. احتمال مضيع وعباله ان حجزي اليوم..
المهم قال تقدرين اتييبين معاج 4 وردات واحنا بننثرهم لج قبل ما تقعدون بخمس دقايق..
قلتله شلون جي انا ابي افاجأ ريلي وانتوا متى بتحطون وجي..
قال انزين تقدرين اطرشين الدريول مع الورد واحنا بنجهز لج المكان قبل..

المهم قررت ما يحتاي ورد بكتفي بالشموع اللي عندهم..

اتريا ردودكم

ما عندي اي خلفية
ان شاء الله البنات يفيدونج

شو يرتبون بس شموع .. يمكن يحطون شمعه وحده او ثنتين
مافيه شي يديد حتي ورد مابحطون

مشكورين عالرد..

نسكافيه

انتي سرتي للمطعم؟ والا تخمين من عندج؟

فديج انا حجزت في بوظبي يوم عيد ميلاد ريلي بس ماعيبني اكلهم اذا هو نفسه كان بوفيه بس الجو حلو ورومنسي

اللي اعرفه ان بس في دبي..

عاد خسارة اذا الاكل مو شي..