مطعم رومانسي و أكلهم لذيذ (Indian Cuisine) سياحة الامارات

إسم المطعم : Asha’s Resturant
المكـــان: Wafi

المكان بالضبط عشان ما اتخربطون .. حذال بودي شوب (بيكون حذال ستار بكس و ميك أب فور إيفر) في وافي القديم بتحصلون باب يطلعكم على برع .. تنزلون الدري و بيكون على إيديكم اليسااااار ..

ملاحظـــة: يفضل إنكم تحجزون .. و في مجال انكم تيلسون برع لو بغيتوو .. طبعا لازم الجو يكون بارد و حلوو

السموحه ما قدرت اصور بس حطيت لكم الصور من النت ..

طبعا الأكل هندي .. و ابصراحــــــــه أنا مب من محبي الأكل الهندي بس وايد اتلذذت بالأكل و عيبني ..

المطعم تملكه مطربه هنديه معروفه فأغلب الوجبااات على أسامي أغانيهــــــــا .. و أختكم فقيره أول مره تدخل ها المطعم ..

طلبنااا ..

المقبلات : وجبة بالربيااان و هيه الوحيده الي بالربيان في ها القسم .. وكانت لذذذذذيذذذذذه

الوجبة الرئيسيــة : عيش بالزعفران + مشاوي مشكله (لوبستر + ربيان + دياي + لحم ) و كاااان بعد يمي يمي ..

وو الشرب عصير باشون (شربت قلاصيــــــــــــــن من حلاته )

و أتمنى للي يفكرون يزورونـــه إنهم يستانسووون .. و هني و عافيه إن شاء الله

موقع المطعــــــــــــم ..

https://www.ashasrestaurants.com/