مرحبا الغاليات ..
حبيت آخذ رايكم ؟؟ أنا محتارة هل أحط المطبخ التحضيري جزء منه سيراميك مربعات صغار ولا ما أحط .. عطوني رايكم .. للعلم إنه مفتوح عالصالة ..
أنا عاجبني هذا المطبخ .. شو هذا صبغ مع جبس لأني حابة أسوي شراته ..
نحن امحطين رخام عسب انه يسهل عملية تنظيفه وما يتخيس ابسرعه
بخصوص الصورة مب واضحة عدل عسب نحكم
بالتوفيق ^^والله يهنيج بمطبخج
وين تبين المربعات لصغار؟
اذا على اليدار حلو لكن حاولي يكون اليدار الي فوق مكان
الطبخ مربعات كبار لانه مع البخار والزيت ممكن تصير فيه ترسبات وبيتغير لون الحدود
يعني فكري في التنظيف .. المربعات لصغار اصعب شوي
الي مختارتنه شكله ولونه حلو .. يبالج طاوله اذا ماعندج طاولة طعام وحلو لو تكون الاضاءه فوق الطاوله
واهتمي فالديكوريشن دام انه مفتوح ع الصاله
بحطيلج كم صوره وخذي افكار منهن
ان شاء الله اكون افدتج وان ما افدتج البنات ما بيقصرون
الوردة مشكووووورة عالتوضيح .. بالنسبة للمطبخ التحضيري ما راح يكون فيه طبخ فعسب جي أنا مفكرة بالصغار .. أو صبغ مترددة بعدي وإن شاء الله أقرر بسرعة …