ممكن تساعدوني مره كنت اتناقش ويا ريلي انه اهله ما يدخلون بحياتي وعقب قالي يلعن اليوم اللي تزوجت فيه
انصدمت من هالكلمه قلت له اذا ما تباني طلقني انت مب مجبور تعيش وياي
والحين علاقتي وياه مب زينه ولا احبه نفس قبل ومب مهم بحياتي
ماعرف شو اسوي وياه
ساعدوني
ترا اول شي الاسلوب يلعب دور
وثاني شي هذيل اهله شو تبينه يسوي يروح يتضارب معاهم
لا تدخلين عمرج في هالدوامة ترا الريال يبا وحدة تقربه من اهله مب تبعده
وانتي تعاملي معاهم بطريقتج
لا تعبرينهم ولا تعطينهم مجال يدخلون
بس انا من وجهة نظري الريال المفروض ما ادخلينه في مشاكل مع اهله لانه هذيل مهما كان اهله
أقول سيري الحين وصلي ركعتين وتعوذي من ابليس وتعاملي وياه عادي بدون زعل ولا تييبين طاري الموضوع
وإذا انتي ماتبينهم يدخلون انتي بروحج تقدرين من غير ماتكلمين ريلج ,, كلميهم بطريقة غير مباشره قوليلهم انا ما احب حد يدخل بحياتي بس من غير
ماتبينين انج تقصدينهم .. الريال مب شغلهم مشاكل الحريم والريال مهما كانو اهله سيئين بيتمون اهله وعلى راسه بعد وما يستغنى عنهم فأي كلمة عنهم تضايقهم
نصيحة لج تقربي من اهله اكثر وابتعدي عن المشاكل ومشاكلج ويا اهله مب ريلج اللي يحلها الريال مهما معزة زوجته عنده بس الاهل مايتعوضون ..
يعني المفروض ماتتناقشين ويا ريلج عن اهله عيب يا اختي تخيلي لو ريلج يقولج انا ما ابغي اهلج يدخلون فيني او بحياتي شو شعورج
وبعدين الكلمة اللي قالها لحضة عصبية ووقت غضب وانتي على طول تسرعتي بكلمة الطلاق اختى ادرسي عن الحياة الزوجية اكثر وعن مسؤوليتج عند بيتج وريلج
وشكلج ماعندج اي خلفية …
يعني مو بيادي طيح بس جي يعصبون ويسون مشكله ويهذربون ع الفاضي ..
لو هو يكلمج عادي قوليله مو انت تلعن الساعه الي خذتني فيها ليش تسولف والله وروحي عنه ..
واذا رد يقولج سوري ومو قصدي عديها ..
بس اذا عصب احقريه ..
خله يتادب شو بعد يلعن و هالكلام الجاف
وهالشي اللي خلاه ما يتحمل الوضع اللي هو ضايع فيه بين اهله
وحرمته، نصيحتي لج، لا تخبرين ريلج عن كل شي يصير بينج وبين
اهله اذا هم فعلا يتدخلون ف حلي المشكله بنفسج حطي حدود ف حياتج
ولا تخلين ايا كان يتجاوزها لكن بينج وبينهم لا اتدخلين ريلج ف هالمشاكل
لانه صعبه جدا ع الريال انه يسير عند اهله يدافع عن حرمته هم أولى انه
يدافع عنهم ولو كانوا غلطانين، واذا هم من النوع اللي يترسون راس ولدهم
عشان تستوي مشاكل بينكم ف انتي خلج العاقله اللي تسكت وريلها يشوفها
انها فعلا مب راعية مشاكل بل اهله اللي يسوون المشاكل حتى لو ما تكلم
يكفي انه يشوفج انسانه مسالمه وانتي بدورج توقفينهم عند حدهم لكن بعيد
عن ريلج . .