مصممات المدونة … أبغيكم شـــويه (^ – ^) شيك

مشكوووووورات …

وشو تقصدين بالجلابيات اللي قريبه من المغربيات يعني تطرين الهن طاره كبوس على قولتهم ولا شغل مغربي العادي؟
اممم بدور لج اذا حصلت بحطهن لج اهني ان شاء الله .. والله يحفظهن ويخليهن لج ان شاء الله

والسموحه عالقصور

المشاركة الأصلية كتبت بواسطة دانة جميرا

مرحبا ختيه .. قصة الفراشه العاديه بس الشغل خليه مركز على الصدر او الهاي نك شويه واليد وسويلها حزام ايها شوي عريض اذا هي طويله واذا قصيره خليه على شكل الحزام العادي بس فيه شغل حلو بيظهر الموديل على الجنز يعني قميص وخاصه اذا على شكل فيونكه روعه بيظهر اممممم ابا ارسم لج بس ما بتفهمين الرسمه للانيه صفر عالشمال

وشو تقصدين بالجلابيات اللي قريبه من المغربيات يعني تطرين الهن طاره كبوس على قولتهم ولا شغل مغربي العادي؟
اممم بدور لج اذا حصلت بحطهن لج اهني ان شاء الله .. والله يحفظهن ويخليهن لج ان شاء الله

والسموحه عالقصور

مشكووورة فديتج ع المرور ..

ياليت والله ترسمين ….،،
وبخصوص الجلاااليب ،، هيه نعم أقصد شغل مغربي العادي ..

تسلميييييييييييين

هذه عباره عن قميص بقصة الفراشه وشغل اليد والحلج والحزام نفس الفكره عباره عن دانتيل اللي ايبيعونه بالوارات
عند مال الكلاف وربعه بتحصلينهن في منهن فيه شغل واذا حبيتي الساده بس حطي عليهن شويه كرستالات نعام جدا وفي النص دخلي شريطه مخمل باللون اللي يناسب القطعه اللي بتاخذينها وطبعا الربطه عباره عن شريطه المخمل وفي اخرها كرستال حبات واخر شي اللي اينج على شكل دمعه حلو تظهر خاصه للبنوتات الصغار للانه شغل نعوم وحلو :

قميص عادي والشغل عباره عن المناظر الهنديه ايبيعونهن جاهزان بشغلهن وخيرهن بس خلي الخياط ايركبهن بهذه الطريقه ومن تحت مدليات يعني هانقق معلقات طبقتين حلو على الجنز :

قميص عادي ايظن قصه عاديه والشغل عباره عن شرايط مخمل حجمهن صغار حذل بعض وعقب اللين اللي ايحدد عباره عن شريط من الدانتيل ويتركب فوقه عقم صغار الالوان اللي ايعيبج شرات عقم ثياب الريايل او القمصان بس في منهن ملونات خذي الملونات حلو للبنوتات يعين شي فرايحي :

هذه عباره عن جلابيه وتستوي قميص طبعا بالقصر اللي تبينه والشغل اللي عليها عباره عن الدواير احجار اينج جيه شكلهن فيروزيه او صفر طبعا اللون اللي تبينه وداير مادايرهن اينج فولك ولا كرستالات صغار والشغل الباقي فولك وكرستالات نعام او رنبو تقدرين اذا تبغين الشغل مايكون ثجيل .. وفي اليد فولك لاينين واذا حبيتي اتزيدين 3 مب اكثر عسب مايكون دفش :

وهذه عباره عن مغربيه قطعتين بقصة الفراشه والشغل اللي على الصدر والهاي نك واليد والحزام عباره عن حبال الزري مع الشغل المغربي اللي فيه الزري هذا اشغل يسمونه السفيفه وطبعا قوليله ايحط فوقه رنبو الفصوص بس الحجم الكبير او المتوسط عسب ايبين والحزام يا انج تسوينه لين النص بحيث انه من وراء بس مجر ربطات وفيهن اخر شي طرابيش بحيث الشغل ايبين بس من جدام واللي وراء يدخل داخل تحت القطعه اللي فوق مايبين او اذا حبيتي الحزام يبين من وراء خليه ايكمل لج الشغل كامل مثل الحزام المغربي داير ماداير الشغل :

وهذه عباره عن جلابيه مغربيه بس الها جيليه اممم ماعرف شو ايسمونه بس ان شاء الله تفهمين عليه المهم الشغل عباره عن السفيفه خليه ايسويله لج على الالوان اللي في القعطه مع الحبل الخفيف بو لاينيين بس وطبعا عليه عقمهم المغربيه بعد بالالوان اما اليد فا نفس الشي وفيهن عقم واخر شي طربوشه والحزام فيه بعد عقمهم والشغل كامل للحزام عسب يبين الشغل من وراء :

وهذه اضافيه مني حلوه للبنوتات خاصه اذا في منابه مثل العيد ملجه عرس الخ الصوره واضحه عباره عن شو بس الشغل كله دانتيل و ورود من الدانتيل يشكلهن من الدانتيل او تركبين ورود جاهزه ويكون موزع بين الشغل الفولك اللمعه :

واي استفسار انا حاضره .. والسموحه على الرسم والله هنه بس ان شاء الله قدرت افيدج .. والسموحه عالقصور