مشكله وحده من العضوات …. البيــــــــــزات ….. عالم الامومة

انا متزوجة و الحمدلله سعيدة مع زوجي في كل الامور، الا الامور المالية، انا اشتغل و ريلي ما يقصر وياي يعطيني مصروفي كل اول شهر مع دفع كافة مصاريف المنزل من فواتير و مونة البيت. بس اخر الشهر تخلص بيزاته و اضطر اعطيه الضعف، ريلي ماديته ما تسمح انه يطلعني فنادق او حتى يشتريلي هدايا و هذا اللي مضيقني، احس انا اللي اعطي موب هو يعني هو يعطي اول الشهر و ياخذهن اخر الشهر و دبل بعد.
المشكلة اني ما امانع اعطي اي حد ، اعطي سلفيات بالهبل و مرات اعطي و لا ارد اخذهن و عادي عندي ما افتكر، بس يوم السالفة تكون مع ريلي لأ اول شي اتعاطف وياه و بعد مرور فترة احس بالضيق و الاستغلالية لانه هو المسوؤل عني و ما اخذ لعمري اي شي من بيزاتي عشان ريلي ما يتعود اني اشتري كل شي بروحي و ما يصرف عليي و هذا اللي انا خايفة منه. اعرف انه بعض اللي اسويه صح و البعض الاخر غلط، فحبيت اطرح المشكلة لخواتي في المدونة يعطوني رايهن بكل صراحة.

والسموحه

شوفي حبيبتي .. طريقة تفكيرج ان ما تبين ريلج يعتمد عليج صح .. بس لا تسوين هالشي على حساب بيتج وزوجج .. انا وياج .. اذا كان ريلج قاادر على هالشي بدوون مايرهق ميزانيته خلج عاللي تسوينه وخليه هو يصرف عليج .. وحاولي تاخذين عنه مبلغ قوليله هاا بنيمعه ونحطه في البيت .. ولما يي اخر الشي عطيه هالمبلغ .. يعني انتي رتبي امورج وياه ..

بس لو كان ريلج صدق ما يقدر .. والراتب يالله يوفي المصاريف .. ماظني وظيفتج لها اهميه اذا ما كانت توفر لج ولبيتج الحياة المريحة .. والفلوس تروح وترد اهم شي راحة الانسان ..

انتي بس اعرفي اسباب ريلج .. وشوفي ظروفه .. وعقبها فكري تعطينه والا تشوفين ترتيب ثاني وياه .. والشي الثاني .. اهل بيتج اولى بالكرم .. وجانج تعطين الكل بليا حساب .. ريلج وبييتج اولى …

<<<< عن نفسي .. مفكرة اني ما اداوم عشان اخليه هو ملزوم بالمصاريف وماحس بهالحساسيات .. بس بعد ارد افكر بواقعية ان نحن نبا نطور حياتنا وايد وحدة ما تصفق ..

وداااااايماااااااا دااااايمااااااااا .. استقطعي مبلغ من راتبج بدون ما يدري ريلج .. خليه للزمن ووقت الحايه ..

والله ييسرررر اموووورج

شوفي انا بقولج الي ف خاطري وهوه مجرد رايي مايعبر عن اي شي..

انا بالنسبه لي مستحيل ايي ف بالي اني اعطي ريلي شي .. اول شي لانه هوه الرياال واذا هوه طلب مني بيطيح من عيني لانه احنا متربين ع اساس الريال مايطلب من الحرمه .. وفي عوايل عاادي بس احنا بدو وعيب عدنا الريال ياخذ من الحرمه عشان جي اقولج بيطيح من عيني … مب معناته انه ريلج فيه والا شي لا والله ماقصدت هاا الشي .. بس مثل ماقلت قبل محد يعرف بظروفه غيرج انتي… ونصيحتي لج لاتخلينه يعتمد عليج لا خليه هوه يوقف ع ريوله لاتخلينه يعتمد انج انتي بدبرين اموورج لانه شوي شوي المسؤوليه بتنشل من ايديه… اذا انتي اتعرفين هوه ف شوه يصرف بيزاته ممكن تيلسين ويااه وتسوون خطه … مثلا عنده سلفيه عنده شي يقص ظهره .. ايلسوا واتفقوا وقسموا البيزات الين فتره معينه وخلاص لازم يتعود يدبر عمره يعني عنده كان بها ماعنده كيفه.. بس ترا نفسيه الريال وايد تتاثر يوم يكون ماعنده شي وها اكبر سبب ف الشجارات العائليه لانه نفسيته تكون تعبانه ومايعرف كيف يصرف عمره..

المشاركة الأصلية كتبت بواسطة ديــايــه

حبيبتي انا فاهمتنج .. ادري انج تقولين تحسين انج انتي الي تعطين مب هوه .. لانه هوه الرياال وهوه الي لازم يعطيج مب العكس.. بس احنا كلنا مانعرف اظروفه .. انتي بس فاهمه ها الشي.. ماعرف شوه اقولج ..

شوفي انا بقولج الي ف خاطري وهوه مجرد رايي مايعبر عن اي شي..

انا بالنسبه لي مستحيل ايي ف بالي اني اعطي ريلي شي .. اول شي لانه هوه الرياال واذا هوه طلب مني بيطيح من عيني لانه احنا متربين ع اساس الريال مايطلب من الحرمه .. وفي عوايل عاادي بس احنا بدو وعيب عدنا الريال ياخذ من الحرمه عشان جي اقولج بيطيح من عيني … مب معناته انه ريلج فيه والا شي لا والله ماقصدت هاا الشي .. بس مثل ماقلت قبل محد يعرف بظروفه غيرج انتي… ونصيحتي لج لاتخلينه يعتمد عليج لا خليه هوه يوقف ع ريوله لاتخلينه يعتمد انج انتي بدبرين اموورج لانه شوي شوي المسؤوليه بتنشل من ايديه… اذا انتي اتعرفين هوه ف شوه يصرف بيزاته ممكن تيلسين ويااه وتسوون خطه … مثلا عنده سلفيه عنده شي يقص ظهره .. ايلسوا واتفقوا وقسموا البيزات الين فتره معينه وخلاص لازم يتعود يدبر عمره يعني عنده كان بها ماعنده كيفه.. بس ترا نفسيه الريال وايد تتاثر يوم يكون ماعنده شي وها اكبر سبب ف الشجارات العائليه لانه نفسيته تكون تعبانه ومايعرف كيف يصرف عمره..

عني يوم مايكون عنده يطلب مني والحمدلله يردهن الدبل… فما فيها شي .. لو يطلب محتاج بس مب استغلال… يطلب من حرمته احسن من يروح لغيرها… عني ما اشوف انه يستغلني يعني والله ماقصر سوا عرس بالقيمه الفلانيه بالكوشه وسفرني اوربا وكل ويك اند يبيتني بدبي ماشاء الله ماشاء الله وللحين يصرف بغلي عليه 2000 او 3000 اذا احتاج.. صرف عليه فوق ال300 الف في 3 شهور بغلي عليه 3000 درهم اذا طلب..

بدو ولا حضر الريال ريال… يمكن يطيح من عيني اذا شفته اتكالي ومعتمد علي هنيه صح بيطييح طيحه… لكن اذا طلب محتاج لا والله بعينه…

لكن انا مع ديايه في رمستها لاتخلينه يعتمد عليج خليه يحاول يدبر اموره ويشوفله مصدر دخل ثاني او يحاول يقتصد ويرتب اموره يمكن صرفه زايد ولا يحاسب لانه اخر الشهر يعرف انه عنده دخل .. فحاولي..

وانتي ادرى بريلج اذا يستغلج او محتاج.. من حقه تراعين ظروفه.. عسى الله يرزقه من غير لايحتسب..