كل عام وانتم بخير مقدماً والله يعيده علينا و ع جميع المسلمين بالخير ان شاء الله ..
انا بصراحه هالعيد موول مالي بارض له ماعرف ليش .. يمكن لأني مضغوطه بالدراسه
وغير جي كل عيد افصل لي عباه غاليه للمناسبات وجي .. وما البسها الا مره !!
لأني ماظهر للمناسبات الا نادر .. من جي قلت هالمره بفصل عباه ناعمه ومرتبه وخلاص
عسب عقب اروم البسها باي وقت عقب العيد …
بس بصراحه يوم استلمتها ماتوقعها جي وجان اختي تقولي وايد عاديه مول ماتنفع للعيد!!
فقالت شو رايج تلبسين عليها اكسسوارات نازله بطريقه معينه بحيث اني اروم البسها في العيد ونفس الوقت يوم اشل الاكسسوارات ترد نفس قبل ..
اممممممم بصراحه احترت بيني وبينكم وحسيت ببين شكله cheap
واحس بيكون لوك وايد اووفر ! وانا ستايل وايد ناعم ..
ماعرف لو فيه طريقه معينه او نوع من الاكسسوارات يعطي جماليه اكثر
شوفوو الصورة وخبرووني ..
من ورا وجدام نفس الشي ..
اهني قصه الكم يايه دائريه شوي ..
و ع فكره ..
انا مقرره البس وياها شنطه حمرا وساعه حمرا نفس جي ..
نفس اللي ع اليسار بس حمرا ..
والميك اب .. بيكون بسيط لأني اصلا ماحب الاوفر .. مجرد ايلينر وروج احمر ..
^^
عالعموم انا ف الاعياد افصل اقل شي عباتين عسب لو ماعيبتني وحدة البس الثانية عالاقل..
مآنصحج بآلاكسسوآرآت شرآت مآ قلتي ببين شكله cheap
العبآه كل مآ كآنت بسيطه تظهر احلى بس خربتيهآ بآلبطآنه البيضه
لو بدونهآ او سوده احلى
أممممممممم ..
مادري بصراحـه ^^
انا اقـــول لو تسيرين مانجـو بتحصلين لبسات خفيفه وحلللللللوه
تنوره حرير مع قميص شيفــون واكسسوارات كبيره وتبرررق
او
فستان سمبل بعد حلووو مع اكسسوارات فخمـه .
او مجوهرات ^^
والعباه خذي جاهــز ساده فيها قصــه
وشيله فخمـه ..
وبتطلعين كشخـه وسنمبل
وبالتوفيـــق
^^
عيل لو تشوفين عباتي موديلها اسود هع هع بس قصتها حلوه
موفقه وملبوس العافيه ^^