حلوات القمرات
مشكله يديده تتريا منكم حلول و اتمنى ما تقصرون جزاكم الله كل خير
و طبعا الموضوع مب موضوعي 
بل لاخت معانا مطرشتلي اياها و انا شاله الاسم و انشرها
السلام عليكم
شحالج اناناسه
مشكوره ويزاج الله خير على هالمبادره الروعه الي تسوينها
اناناسه والله مب عارفه شو اسوي وشو اقول
لواكتبب من اليوم لين باجر ما بخلص صدقيني
خواتي العزيزات انا معرسه من فتره يعني سنه ونص تقريبا
وحامل ادعولي انه الله يتمم حملي على خير لانه كل احمل
واطيح ,, مشكلتي زوجي يته فتره وايد تغير عليه وانا ماعندي
ربايع يعني الكل لاهي في بيته وعايلته بس عند خالتي معرسه
وعندها بنت .. تميت اشتكي لها وفي يوم من الايام اول كالعاده
ريلي معصب على اتفهه الاسباب واوالخ الي صار انه عطيت خالتيه الرقم وقلت لها شوفيه جان بيرد عليج وقولي له انج غلطانه وسكري على طول يعني سمعي الاصوات الي عنده
لانه كان كاشخ ع الاخر وحتى السياره مدخننها جنه معرس
المهم الحرمه سوت وسكرت ورد يتصل وردت قالت له بعصبيه انا غلطانه وسكرت ورد يتصل تخيلوا خواتي وعقب طرش مسج فليل وعقبها رد وطرش مسج ثاني مال الجمعه خخخ استوى مطوع الاخ .. وعقب فتره رد طرش مسج حب وغرام انا ماشفت المسجات بعيني بس هذا كلامها .. في هالفتره تقولي والله بخبر ريلي خله يتصرف وياه اذا ما حل عني وريلها دوامه اسبوعين باسبوعين وماتقدر تخبره وهو هناك عشان مايتنرفز
فتتريا يوصل ع قولتها وتخبره .. الحين ريلي مسافر وبيرجع عقب كمن يوم وهو مستانس يالس يتشرى حق البيبي وحتى وهو هناك مطرش لها مسج وانا حرمته في السنه مره يطرش لي
والكلام الحلو بالزوووو ايره يرر جني اشحت منه والله اني صابره ع سوالف اهله وع الكلام الي يعقونه وساكته والله ياخواتي انه حريم اخونه انهن مايلسن شهر ع بعضه بس انا صبرت ويلست وانا الوحيده الي مبين حريم اخوانه صابره ومتحمله الاهانات والسب عشان خاطره
الحين خواتي انا فكرت اني ازخه بهداوه
واقوله اني كنت عند خالوه وماخذه فون يديد ويلست اشوفه وشفت مسج من عندك واوااولخ وبقوله ماله داعي لهلحركات
وانا حرمتك وفعمري ماقصرت وياك واوالخ يعني كله بالهداوؤه
شو رايكم خواتي وانا ما اقدر اني ازخ تلفونه لانه حاط قفل
وامايه موصيتني وصيه اني ما انبش من وراه انا ادري اني غلطت
يوم خليتها تتصل والحين انا ندمانه وتعبانه والله اني خايفه ع الي في بطني اخاف شي يصير والسبه سوالفه البايخه
سمحولي طولت عليكم وادري الكلام مب مرتب بس راسي داير
ومب عارفه شو اقول وشو اخلي 
وادعولي انه الله يثبت جنيني ويتمم حملي ع خير ويهدي ريلي
ويهدي ريلج
انتي م البدايه غلطي يوم عطيتي خالتج الرقم ب هذي الطريقه قاعده تعورين قلبج وانتي مب ناقصه
اذا بتواجهين ريلج بالهداوه وبيتقبل حلو بس اذا كان طبعه عنيد وبياخذ الامور بعناد وبيقولج مالج خص هذي حياتي هني المشكله عاد بتحسين بقهر لانه عارف انج كاشفته ومب ع باله
الله يهديه
وانتي ديري بالج ع حملج والله بيعينج
وعيشي حياتج لان الشك والوسواس سبب خراب بيواات واايده
انتي غلطانه وخالتج غلطانه الله يهديكن 00واذا فيه شي ورى ريلج فأكيد
بينكشف مع الايام 0
الله ايسر امورج ويسخر ريلج لدينه ولج حبوبة
هآ غلطتج غنآتي آنج فتششتي من ورآه
مشكله درب بآب الشك لو تبطل عمره مآيتسسكر ..
مآبيدج غير تقبضين سيآدتج وتدعين له آلله يهديه ويصرفه عن درب الحرآم
وترآهآ مجرد نزوآت عند كل الششبآب
وعندهم للآسسف مآتتسمى خيآنه مثل مآنحن ننظر لهـآ ..
سوالف & طيش & آسسستهبآل لآ آكثر ومرده لمرته وحبيبته =)
آذآ حآسسه نفسج مقصصرهـ من آي نآحيه < عبي هالنقص
ومشش سآلفه مثل هآ تخليج تنهآرين وتفقدين اعصآبج
تعرفين ليشش ؟ لنه بكل بسسآطه موضع سآيده عند آلكل
ونآدرآآ مآتلقين ريآل مآيخؤؤن ..
وآذآ لقيتي فرصصه منآسسبه وحسيتي ريلج رآيق ومزآجه يسمح تتنآقشين ويآه
نغزيه بالرمسسه بآن ’ كمآ تدين تدآن ’ ومثل مآ الريآل يخون حرمته تخؤنه
أوو تروم تآلفين قصصه كذآ كذآ صارر اهم شي الفكره توصل له
بس آيآج تصآرحينه آنج كشفتي موضوع خيآنته لنه شي زوآل
ومآفيه شي يتم ع حآله ^_^
وآلحين آهتمي بصحتج وصحة الببي وربي يقومج بآلسلآمه
وبتغلطين يوم بتخبرينه ان الرقم الي اتصل به كان رقم خالتج
قبل اول شي لازم تشوفين المسجات الي مطرشنها لخالتج وتقرينها روحج
وعقب تيلسين تتفاهمين وياه من غير ما تطرين خالتج والموقف
والله يهديه
والله يثبت جنينج
يمكن هوه مب راعي هالسوالف
وقال لواحد من ربعه انه حرمه غلطت عليه
وربيعه ماقصر يمكن فر اله راسه وقاله حشرها وعادي ومافيها شي ومن هالسوالف عشان يقنعه
ومن عقب هوه انجذب
والسبب انتي لانج جريتيه لسوالف !