بنات والله تعـــــــــــــــبت
مشكلتي ان خواني الشباب الصغار مايسمعون كلامي ..
عمارهم 11 13 15 ..
ارمسهم كاني ارمس طوفه ..مع انهم يسمعون كلام الكل من امي وابوي وعماتي والاهل الا انا
هل لاني وايد طيبه ولا شووووو .. دوم احاول اني اسوي عمري شديده وياهم عسب يخافون لكن لا حياه لمن تنادي
ودوم اتضارب ويا اخوي اللي عمره 13 ..والسبب الرئيسي انه مايسمعني يوم اامره على شي او اطلب منه طلب والله شي يقهرني >> بس والله يابنات خواني ماشاء الله عليه ادب واخلاق . لكن من هالناحيه ماعرف ليش مايسون لي حساب . ابى اكون عليهم كلمه قويه
وانا انسانه وايد ع نياتي وطيبه . وبنت جامعيه وعندي كلمه بين ربيعاتي
شو اسوي وشو الحلول اللي اتخليهم يسمعوني < للعلم اني اختهم الكبيره
لا تقووووولون تعاملي بطيب وبهدوء .. المشكله ها اسلوبي .!!! بس شو اسوي
وطالما عندهم ادب واخلاق ما شاء الله يعني اكييييد بيتقبلوكي لو حسنتي اسلوبك معاهم …
والتغيير لازم يبدا من عندك
والغي هذه العبارة من قاموسك : لا تقووووولون تعاملي بطيب وبهدوء .. المشكله ها اسلوبي .!!! بس شو اسوي يعني اذا انتي مو راضية تغيرين اسلوبك ليييش تبينهم يغيرون اسلوبهم … التغيير لازم يكون من الطرفين لكن البداية من عندك حبوبة
واعملي سيرش في النت عن كيفية التعامل مع المراهقين واااايد بتلاقين اشياء مفيدة
والسموحة
انا ابى اساليب
اكسبيهم بصفك مو بالامر والنهي
بالحب _ بإبتسامه _ هم بعمر حساس ما بتلقين اي تجاوب معك لو انتي جي
واذا ما تقدرين وهذا اسلوبك مستحيل بتحصلين تجاوب
انا معلمة بس اعامل الطلبة من الصف الاول للعاشر بإحتراااااام واسمع لهم اكثر مما اتكلم وما بقدر اوصفلج شكثر المديرة مستغربة تقول شلون ما نسمع لهم حس بحصتج وبنفس الوقت نشوفهم مبتسمين يعني مو احترام خوف لا احترام محبة وفيه فرق بالاثنين ولو العصبية والصراخ ينفع كان ما دخلت حصه من غير عصا
وانا اقولج انا عصبية ونار ما اتحمل شي وحتى منزلة هالمشكلة بالمنتدى بس ابدا عصبيتي ما تطلع على الاصغر مني