باختصار ما اعرف استخدم الايلينر؟؟ اشتري منه وايد بس يطلع علي مب مرتب ما اعرف احدد العين به… خاطري استخدمه ويطلع علي مرتب اظطر اني استخدم قلم الكحل بس ما يتم وايد لازم يسيح.. حد يقدر يساعدني ويقولي طريقه تساعدني احطيه بترتيب ؟؟؟
برد على عمري وحليلي 
انصحج تستخدمين الايلينر الكريمي او الجيل
وتاخذين معاه فرشاة رفيعه
احس اسهل فالاستخدام
انا ماخذه من بوبي براون وعيبني وموجود عند اكثر من ماركه
ومع التكرار بتتعلمين
حبوبه خذي قلم كحل من ماك ضد الماي عشان مايسيح وخذي جل الايلينر من ماك او اي ماركه مع الفرشاه الصغيره المشطوفه اسهل ا… الحين نيي للتطبيق بالاول تحطين قلم الكحل وفوق الكحل الايلينر اسهل بوايد وعندج بعد طريقه ثانيه في ايلاينر من لوريال سهل للمبتدءين
عندي طريقه بس مادري لو بروفشنال ولا لا لوووول بس وايد تنفع …
ارسمي عينج بالآي لاينر و اترييه لين ما ينشف عقب عيدي على الرسمه بقلم الجحال العادي …و ييبي ولاعه و حري راس الجحال عشان ما يسيح و يستوي غامج و يثبت … تطلع الرسمه وايد مرتبه
^_^ و بث
كلنا في البدايه مثلج
لكن عودي ايدج على الرسم .. وبالتدريج بيضبط عندج
انا استخدم الينير من نيفيا …
انا استخدم القلم لاني مبتدئه وخااطري اتعلم بعد رسمة العين