شحالكن خواتي
يزاكن الله خير على هذه المشاركات المفيدة
انا عندي مشكلة ويا النقاب
وايد فصلت نقابات وكل نقاب مايتم معاي غير فترة بسيطة وعقبها يخترب
المشكلة اللي عندي
تعرفون الجزء العلوي من النقاب.. اقصد اللي فوق فتحة العين،، يكون فيه مادة او قطعة تخليه يكون شاد،، ماعرف كيف اشرحها.. اظن فهمتوني صح؟؟
المهم هالقطعة اللي توقف هالجزء بسرعة تخترب.. وطبعا يستوي النقاب هب سيدة،، يعني فتحة العين ماتستوي سيدا،، اقصد بها القطعة اللي يحطونها في رقبة الكنادير مال الرياييل.. فهمتوا قصدي
انزين الحين شو الحل// شجايل احافظ على هالجزء بحيث يتم عندي النقاب اطول فترة ممكنة
علما اني يوم اغسل النقاب ما اغسل هالجزء بالعمالة عشان مايخترب ومع ذلك يخترب
اتريا اقتراحاتكن
لاتبخلوا علي بردودكن واللي ماعندها رد ترفع الموضوع يزاكن الله خير
up
up
اترك صآآحبآت الخبره اللي يتنقبن يردن عليج
حبيت أرفع موضووووعج
هذي كانت معاناتي وخذت نقابات من محلات مختلفة بس ماناسبني شي لين حصلت اللي اباه
اذا انتي من العين روحي الجيمي مول
في محل عدال المسجد اسمه الخمار الراقي
عندهم نقاب بمطاط
يعني تقدرين تنزلين القطعة اللي عالويه متى ماتبين والشكل مايخترب
وهذا النقاب وايد مريح … ونستخدمه انا وخواتي من زمان
في بغشوة وفي بدون
انا افضل بدون غشوة واخذ الغشوة بروحها
مادري شوفيه وجربيه يمكن يناسبج
اما اذا انتي مش من العين فاعذريني ياختي مادل اماكن تبيعه