مشكلتي مالها حل.. ساعدوني يزاكن اللهـ خير >___< مشاكل الحمل

انا بصراحهـ عندي يأس من نفسي..

لما اسوي ريجيم ما أستمر فيهـ.. و السبهـ ان خواتي و ربيعاتي يقولون لي ما بترومين تكملين يحبطوني

بس انا لازم وزني ينزل.. بعدني بأول عمري ووزني فوق ال130

>_<

مب رايمهـ أتقبل شكلي.. وعارفهـ أن السمنهـ ممكن تسبب لي أمراض كثيرهـ .. أولها السكري خاصهـ أن أمي عندها هالمرض المزمن..

و أعاني بين فترهـ و الثانيهـ من آلام في الظهر.. و عارفهـ أنهـ من الوزن الزايد و الحمل الثقيل على ظهري..

اشتريت ملابس رياضهـ لكن عفنت ف الكبت..

أبغي امارس الرياضهـ و المشي استمتع فيه مع انه متعب شوي لكن تنقصني المشاركهـ من الي معاي.. و في الكليهـ ربيعاتي ما يحبن يسون رياضهـ و هم من الوزن الخفيف..

أبغي أدش مركز دكتور نيوترشن و اعرف ان نتايجهم فعالهـ لكن ميزانيتي ما تسمح..

و مابي اجرب اي شي من النت و يكون مب فعال أو فيهـ آثار جانبيهـ ..

ساعدوني شسوي..

مابي 2024 يروح و انا بعدني دبهـ .. ع الاقل افقد شويهـ من الوزن الثقيل > <

الغالية

سيري عند دكتور تغذية بالمستشفى

هب لازم تسيرين عيادات خاصة

انا قبل كنت اراجع دكتور التغذية بمستشفى حكومي

وبصراحة يعطيج نظام صحي وايد

وما عليج من كلام الغير

وعن المشاركة دوريلج وحدة تعاني شراتج من السمنة وتشجعج وتشجعينها

وتمارسين الرياضة وياها، وسجلي بنادي رياضي بتستانسين وايد

واهم شي المشي, وتخفيف الأكل الدسم والحلويات

والله يوفقج

اختي انمي حق مجموعاتنا للتنحيف و المسابقات و ان شاء الله بتضعين

انا والله محد شجعني على التنحيف كثر التحديات في المنتدى و البنات يشجعن بعضهن بعض و انتابع بعضنا كل يوم و ننصح بعضنا كل يوم و الحمد الله و الله بيستوي عندج خبره من الرجيم من كثر ما بتقرين عنه و انتي الي بتألفي رجيم يناسبج من كثر القراءه

و حاولي تسيرين اخصائية تغذية احسن من تصرفين على دكتور نيتشرون و غيره راتب

و بتوفيق

بلا نيوترشن بلا خرااابيط

أختي شواخ مثلج قالت وياااكثر ماجربت اشياء واشياء لكن من سويت وياها المنافسه نزلت 5 كيلو ماشاء الله عليها وان شاء الله توصل للي تبيه .. مع انها قالت ماتقدر ومب متحمله ومادري ايش لكن الحين الحمدلله قدرت ونزلت ..

الغآليهـ شآركينا في التحدي بينا بدا … وان شاء الله تستفيدين وتنزلين ويانا للوزن اللي تبينه ..

أنا بديت من 9 رمضان متنافسه مع شواخ نزلت 4 كيلو .. لو تدخلين ويانا المنافسه واايد بتستفيدين وتتحمسين,,

أنا شرراتج قبل ظهري والله كنت أموت من الآلآم الظهر لكن الحين والله مرتاحه من الرياضه اللي اسويها مع التخفيف ..

وبالتووووفيج .. وربي يسهل عليج ..

انزين ممكن تحطولي رابط الموضوع مال المنافسه؟

ودي أضعف والله و أدور الكسل و الخمول و أنسى الوزن الثقيل

يزاكن الله خير

حبيبتي لا تهتمين واتحديييييييهن انج تقدرين تضعفين يعني بيني لهن انه العكس والله الايام يمرن بسرعه وتقدرين<<< قولي حق عمرج
والله انا بعد نفسج كل مابدا اودره مااعرف كيف ابا التزم بس مااقدر مع انه مرات مالي خاطر اكل بس جيه اكل جني اغايظ عمري ههههههه الله يعين
شدي حيلج والله يوفقج

اختي الكسول كسول و الي ضعيف يقول لا تهتمين و المتين يقول يا رب متى بتفكني من هذي الااثقال الي على جسمي

روج الجماعه و الصحبه و التحدي غير سبحانه الله

https://forum.uaewomen.net/showthread.php?t=322261
مال اخت غلاهم

و هذا مالنا
https://forum.uaewomen.net/showthread.php?t=312802

نتريا مشاكتنج و اذا اي استفسار او طلب انا حاضره