مشكلتي باختصار العصبيـــــــه الزايــــــــــــــــــــــــــده 
بنتي عمرها 8 شهور ومزاجيه للأبعد الحدود وعصبيه وصياحه وما تبا حد يصكها غيري ..
ويوم تشوف الناس تستغرب وتم تصيح يعني لازم 24 ساعه عندي
هذي أول بيبي لي ومب عارفه كيف أتعامل معاها .. هي من عمر 4 شهور ودرت صدري وفطمت عمرها بين يوم وليله ودرته شو السبب ما ادري بس كل ما كنت أرضعها تصرخ بشكل هستيري ومن 4 شهور للحين وهي تشرب بس 90 ملي مع انها الحين المفروض تشرب فوق 200
مزاجيه متى ما تبا ترضع بترضع ومتى ما تبا تاكل بتاكل عادي يمر عليها يوم كامل ما اطيع تاكل شي وارضعها وهي راقده
ويوم اتم اتصيح لا إراديا اتم اصارخ وأعصب وكل مره اقول ما بصارخ أخاف صراخي هذا هو اللي يزيد عنادها
بس والله مب عارفه كيف اتعامل معاها وكيف اتصرف اشوف كل اليهال اللي ف سنها واصغر غييير
مرات اقول بخليها كيفها ما تبا تاكل ولا تبا ترضع بس يوم اشوفها كيف ضعيفه اقول لا أخاف يستويلها فقر دم هي وزنها 7 كيلو بس
نصحني كيف اتعامل وياها وكيف اخفف من عصبيتي .. صار لي اسبوع وراسي يعورني
شو الحل
ولدي نفس عمرها ومن بدا يسنن استوى ما يحب ياكل و يصيح
فتره و بتعدي لا تعصبين هاي ياهل
عزيزتي عليج باذكار الصباح والمساء سبحان الله تنزل عليج سكينه وتعطيج طولت بال..
بالنسبه للاكل انا بنتي كانت جي الدكتو قال لا تخلينها تلقط ( يعني ما تاكل لقمعه مني ومناك) يوعيها حتى لو كملت يوم يوم بي موعد الرضعه بتشرب وموعد الوجبه بتاكل الموضوع يباله صبر.. ويمكن تسنن التسنين وااايد ياثر فيهم يخلي مزاجهم متعكر..
صراحة مسؤولية ،،
هدي اعصابج وبصراخج راح تعصب بنتج اكثر وتكبر وتستوي عصبية وكله بتصارخ ،،
حاولي قدر الامكان تهدين ويوم تيوع هي روحها بتاكل انا مخليه بناتي على راحتهم متى ما حبوا ياكلون ومتى شربوا شربوا
هم ادرى بكرشتهم ومعدتهم ،،،
بس انتي كل ساعتين كل 3 ساعات سويلها مرضاعة واعطيها ،، ويمكن عشان اسنانها ما تاكل شي ،
لان عيالي جي يوم يسننون ما كانوا ياكلون ولا يرضعون زين ،،،
فلا تحاتين
اليهال في هالوقت ما يبون ياكلون ولا يشربون و يصيحون وايد خصوصا فليل
سالي دكتور شو ممكن تسوين
حرام تهملينا لانها توها 8 شهور
و في هالسن اليهال ما يعرفون العناد ولا يكون فيهم طبع (من قرايتي لكتب التربيه) توه الناس على هالاشياء
اقري عليها كل يوم اذكار الصبح و المساء و شوفي كيف حتى انتي نفسيتج بتهدا
و حصنيها و لا ترضعينها جدام حد
وقت الرضاعه لا ترضعينها في الحشره اختاري مكان هادي (هاي كانت نصيحة امايه و جربتها مع ولدي و الحمدلله نفعتني)
فيه يهال يوم يكون الجو حشره يحتشرون و يصيحون و يتنرفزون و يرفضون الحليب يمكن بنتج من هالنوع
و بخصوص ضعف الشهيه انا سمعت انه البنات اغلبهن تكون شهيتهن ضعيفه و ما ياكلون وايد
بس حاولي اتراجعين دكتور يعطيج فيتامينات تفتح شهيتها
هممممم الله يسهل عليج يا رب و يحفظ لج البنوته
