خواتي انا طرحت قصتي ويا الاكتاب بعد الولادة و معاناتي
وكيف قدرت أتغلب عليه بفضل دعواتكم و دعمكم و الناس اللي يحبوني
لكن ما اجذب عليكم صار شرخ في علاقتنا الزوجية !
الفترة اللي تعبت فيها ابتعدت عن زوجي نهائيا وكنت أرفض اتواصل وياه بأي طريقة لدرجة وصلت مرحلة انه حد من أهله يخططون يزوجونه وحده من بناتهم لكن كان يحبني و متمسك فيني لأبعد درجة وما يرضي أي حد يتكلم عني ولا يعطيهم مجال ..
عقب ما اتحسنت و رجعت لحياتي الطبيعية و ردينا ويا بعض أحس بفتور كبيرة في علاقتنا الزوجية خصوصا من ناحية العلاقة الجسدية .
و الغلط مني انا اعترف لني صرت ما اهتم أبد و صار عندي برود فظيع بسبب الأدوية اللي استخدمتها سببت لي برود ما اقدر اتفاعل ولا عندي رغبة حقيقية وماعرف أمثل دايما اتهرب منه و اتعذر و ما الومه اذا فكر يسوي شي لاني انا مقصره بس غضبا عني !
و دايما العلاقة مرتبطه في بالي بالحمل و المأساة اللي مريت فيها و صار عندي نوع من الخوف و الفوبيا و ماشي أي مشاعر أو متعة مع اني ما كنت جيه نهائيا …
بعدني أحبه و يحبني لكن ما اقدر علي هالشي شسوي شو الحل كيف أساعد نفسي و ما أكون مقصره وياه ؟
حد منكم مرت عليه هالتجربة أو حد تعرفونه و شو الأشياء اللي تساعد ؟ و هل ممكن تأثير الأدوية يروح مع مرور الوقت و يرجع كل شي طبيعي ؟ حتي لو فكرت اروح حق دكتورة ماعرف حد متخصص في هالشي و استحي بعد
كلنا حاسين فيج وبمعاناتج واكيد اللي استوالج مب هين
ما عرف جواب لأسئلتج بس ما حبيت اطلع بدون ما ادعيلج
الله يخليكم لبعض ويحفظكم ويشفيج وترجعون مثل قبل واحسن
بالتوفيق
الحمدلله ع السلامه حبيبتي ،
اول شي انتي لازم تمسحين السلبيه من مخج او الفوبيا وتعتبرينها تجربه وانه لج خبره احين
بحكم اللي مريتي فيه غير جي يوم بتعطين نفسج رسائل ايجابيه قولي انا احب هالعلاقه
واحب اسعد ريلي واملي عينه وانا الحمدلله ربي رزقني منه بنت وهاي نتاج حبنا
الشي الثانيه حاولي تاكلين اشياء تزيد الرغبه عندج اسمع يقولون روبيان يعني البحريات
والجرجير واشياء شعبيه اسالي يدتج او امج يعرفون هالاشياء واذا تستحين قولي ربيعتج
ثالث شي حاولي تضغطين ع نفسج يوم هو يقرب منج عشان تكسرين هالحاجز
او حل ثاني راجعي دكتوره مختصه يمكن تفيدج بشي
والله يسخركم لبعض ويسعدكم ويوفقكم
انا اشوف لو تسافرين ويا ريلج مكان فيه طبيعه اكثر يعني مكان هادي يريح اعصابج اكيد بتتغير نظرتج للاشياء شوي
او حتى هني في الدوله احجزيلج شاليه ع البحر انتي وياه منها تغيرون جو ومنها تجددون علاقتكم
الله يكون بعونج اختيه راقيه .. بس حبيت أقولج انج أنجزتي الكثير و لله الحمد و تفوقتي على نفسج و على الظروف الصعبة اللي واجهتيها و انا أهنيج صراحه على الإرادة و الصبر اللي عندج و ما شاء الله عليج شكثر اتحملتي .. اللي أبا أقوله انج صبرتي و خذيتي اللي تبينه ف ما باقي لج الا القليل .. شرات ما قالوا الخوات حاولي تغييرين المكان ان كان سفر او ف الدولة بس اهم شي مكان مريح و اتحملي ريلج يوم بييج و اضغطي على نفسج شوي عشان خاطر ريلج و البنوته اللي بينكم و لا تهدمين حياتج على هالشي البسيط
المشاركة الأصلية كتبت بواسطة Satay 
الله يكون بعونج اختيه راقيه .. بس حبيت أقولج انج أنجزتي الكثير و لله الحمد و تفوقتي على نفسج و على الظروف الصعبة اللي واجهتيها و انا أهنيج صراحه على الإرادة و الصبر اللي عندج و ما شاء الله عليج شكثر اتحملتي .. اللي أبا أقوله انج صبرتي و خذيتي اللي تبينه ف ما باقي لج الا القليل .. شرات ما قالوا الخوات حاولي تغييرين المكان ان كان سفر او ف الدولة بس اهم شي مكان مريح و اتحملي ريلج يوم بييج و اضغطي على نفسج شوي عشان خاطر ريلج و البنوته اللي بينكم و لا تهدمين حياتج على هالشي البسيط
واسمحيلي اضيف شي ، مب من باب التحطيم لكن ابا اوعيج لهالنقطه عشان ماتلاقين نفسج ب لحظه خسرانه كل شي
من بدايه عرسج وانتي للاسف كان عين وصايبتج .. مشكله ورا مشكله
وللاسف كله ياثر ع ريلج وينطلب منه ان يتحمل ويصبر عليج ، ف اللي ابا اوصله ان اكسبي ريلج
لا تدخلينه بمشكله تطلعينه تدخلينه بمشكله ثانيه ..
ادري هالشي مو بيدج ، لكن حاولي تضغظين ع نفسج وتحلين المشاكل بدون مايحس او يدري
حتى لو تمثلين ، بس عشان ماتخسرينه وتخسرين حياتج وياه وبنتج
صلي وادعي واقري قران ، وانصحج بالليل يوم بتنامون تشغلين سوره البقره .. مادري احس ف شي صايبج
ع قولتج تقولين يحسدونج عليه ويقولون احلى اثنين .. ف مادري يمكن حد صايبكم بشي بدون قصد " والعين حق "
لان شفت مواضيع من يوم عرسج للحين وانتي بمشاكل .. لكن فقط حبيت انوهج ل نقطه تحمل وصبر ريلج لمتى ممكن يكون ..
ربي يكتب لج الخير ويسعدج بحياتج
الموضوع منج ﻻنج دايما" تفكري بمئساة الحمل
غيري تفكيرج و تمي فكري بحسنات زوجج و التصرفاته الزينة معاج
فكري بأيام الخطوبه و بأوقات الحلوة اللي تقضونها مع بعض
ﻻ تشغلي بالج بأفكار سلبيه
و بالنسبة للرغبه أنا مريت بحالج و حصلت لي حل بﻷعشاب و اﻷكل
يعني اشرب شوربة سي فوود عشان احس برغبه
او آكل جرجير هههههههه
أو أشرب الشمر اغليهو عقب 5 دقايق اشربه
و شوي شوي بتتغيرين