مشكلة في الملجة

هلا بنات بنت عمتي تحتاج مشورتكن مع ريلها لانها تفكر تفركش الملجة و مب متاكدة اذا قرارها صح ولا لا المشكلة هي في ريلها صفاته انه وايد تحسه يحب نفسه دوم يطالع روحه و يسالها كيف شعره و يعلق على شفايفه لو جافة ولونه ووزنه و عضلاته يعني وايد يتكلم عن نفسه و تقوللي ما قالها ولا كلمة حلوة ولا يعلق على شكلها و لا عمره فكر فيها حتى يوم يبا يتصور يقولها صوريني وما عنده ولا صوره الها و تقوللي احس يوم ييلس معي ما تفرق معاه بس اهي تحب تيلس معاه اكثر مع ان هو مو مهتم و طبعا ما يابلها هدية كل الهدايا من امه اللي هي الهدايا الرسمية مال العرس و هالسوالف تقوللي ما احسه وايد مهتم في و يوم نطلع بره اتم اطالعه من بعيد اطمن عليه بس هو ولا تفرق معاه ولا يطالع حتى يوم سافر كان رايح مع اهله ودعها بكل برود و ما يكلمها في الفون بس يبعث مسجات نادرا ومافيها شي كلها كلام عام غير انه كل وقته معاها تقوللي كلام عام ولا عمره قال شي عن الزواج او كيف بنكون حياتهم بعد الزواج و بعد تقول انه وقته كله مع ربعه الحين اهي جديا مفكره بالطلاق تقول ابا انسان يفكر في بس انا اقولها ممكن يتغير و ممكن تندمين و ما ييج نصيب احسن منه بنات انت لو مكانها شو بتسوون؟ طبعا ميزاته الايجابية انه يصلي و يصوم

رايي الشخصي تراجعه..تتكلم معه…بعدها تقرر..إذا ما تغير تتركه أحسن قبل الزواج

تعزمه يوم ايى البيت
و تصارحه بكلللللللللل شي
و بيتغير ان شاء الله بس بعد ما تصارحه فيس تو فيس

الصراحه مطلوبة من البداية

يمكن متعود على الاتكاليه وطول عمره فاضي لنفسه بس وما يعرف للمسؤولية أحسن انها تتأكد وتسأل المقربين منه عن أسلوبه في التعامل في المواقف ودوامة وربعة هذا زواج مب لعب يمكن يكون انسان طيب ومحترم ويعرف يتحمل مسؤولية وينظلم ويمكن يكون العكس المسالة مب بس اهتمام فيني أنا يمكن هو افضل بكثير ويمكن يكون العكس أحسن تأخذ الوقت الكافي وتتأكد

ليش تتطلق ؟؟
خل تجرب الحلول كلها قبل …. فكرت تصارحه و تقعد معاه تكلمه ؟؟؟
شافت شو وجهة نظره لما كلمته
حاولت تعدل الوضع بأي طريقة ؟؟
ع طول فكرت في الطلاق كحل جذري.
شكلها ما تعرف تتصرف و للحين مطبات الحياة جدامها