بنات عندي مشكلة لعوزتني وايد انحرج منها وحاولت الاقي اي حل كل شي اجربه ما ينفع
مشكلتي هي الحساسية اللي في ريولي وايدي كل ما اشل الشعر تحرقني ريولي خاصة واتم تحجني جني فيني يرب والعياذ بالله
ما اعرف شو اسوي والمشكلة اني اداوم ومب حلوة اتم احج ريولي جدام الخلق بسبة هالحساسية, وقالوا لي احط لوشن طول الوقت
عسب يبرد المكان وريولي تقطعن وتشوهن
حد عنده نفس المشكلة ولقى لها حل؟
ومشكورات مقدما
وطول اليوم شربي ماي
يومياً
وشربي عصاير طازجة
ثاني شي قبل ماتشلين الشعر بكم ساعة او حتى ليلة تسبحي و دهني بزيت الزيتون واتركيه وشلي الشعر بدون ماتغسلين قبله
وبعد ماتخلصين اذا حلاوة غسليه بالماي عقب ماي مع شوية خل تفاح (ملعقة صغيرة خل تفاح في غرشة الماي الكبيرة واتركيه عشر دقايق على الاقل قبل الاستخدام)
واذا واكس او شمع نظفي بزيت الزيتون واتركيه ست ساعات عقب تسبحي ورشي ماي مع شوية خل تفاح مثل ما ذكرت لج فوق
باقي الاوقات ممكن تستخدمين كريم الاطفال سيباميد (SebaMed baby cream extra soft) يناسب البشرة الحساسة وفيه مواد مهدئة مثل البابونج وفيه البانثينول
و خل التفاح فيه عشرات الانواع من البكتيريا الصديقة للجلد عشان جذيه لازم تتركين الخل في الماي اقل شي عشر دقايق قبل الاستخدام
وممكن في حوض البانيو تترسينه ماي وتصبين كوب خل تفاح، وبعد عشر دقايق تدخلين فيه تتودنين ثلث ساعة لين نص ساعة
تحتاجين البكتيريا الصديقة للجلد للحماية من الجراثيم والحكة وخاصة في حال جفاف الجلد تكون مناعته اضعف وبعد تحتاجينه بعد نزع الشعر تكون المسام مفتوحة وعرضة للهجوم من الجراثيم
في حد ما شاء الله مناعة جلده قوية ما يحتاجون مثل هذي الاشياء
ما قصرتي
اختي امل الله يوفقنا جميع لا هنتي
حبيبتي أنا
من بعد الواكس احط زيت
فحطي زيت اطفال مثل جونسون اند جونسون
،،، ما ادري جربتي كريم fucidin بعد ما تشيلين الشعر
لانه في زباين يتحسسون من الحلاوه لس الواكس لا والعكس صحيح
ونصيحه يختي اذا جربتي الاثنين وسوالج حساسيه خلصي عمرج وسوي ليزر
بقيمه الجلسات بالشهر كم مره تسوين مره وحده وتفكين عمرج
وشغله ثانيه
كثري شرب الماي لانه واااايد يأثر بالجسم