اول شي نبدي بهالايبود الي بالغصب قررت اخذه وناسه شريته من النت وثاني يوم طرشوه اول مره اشتري من النت انجاااز طبعا اهو الاحمر والوردي الكفر ماله لانه بسرعه يتزلغ
مليت من ماك قلت باخذ شي يديد كونسيلر وفاونديشن ماك زينين وعمليين حق الدوام واهم شي انه الفاونديشن ما يطبع على الشيله مثل الفل كفر مال ماك والكونسير ماشي حاله
دبابيس على شان اثبت فيهم الشيله قبل لا الفها على شان تطلع مرتبه وما يبينون اهم طبعا
حلاو وعلوج وككاو ماكنتوش كنت يوعانه وقتها خميت كل الي جدامي لول
جوتي وانتو بكرامه اخذته من نيو لوك مع النفنوف الي تحته وايد يطلع ستايل
هذا النفنوف الي بكون ويا هالجوتي وايد وايد عجبني وشكله راقي (شكله جنه مال يهال لول)
طبعا بتستغربون هذي علبه بحط فيها صابون بابايا وبنقعه بماي ورد حق الوي وايد زين
مادري شفيني على الاستكرات احطهم على تلفوني وعلى الايبود فيني طفوله متأخره الظاهر!
مقلمه يديده بدال مقلمتي الي من العام ما شريت غيرها
جنطه حلوه شريتي حق اختي من النت من الموقع الي وريتكم اياه الي فيه سوالف كيوت
واخيرا وليس اخرا كريم fade out الصراحه شي يفتح لون البشره ويخليها تلمع ويصفيها عجيب الصراحه حتى امي لاحظت هالشي وراحت شرت مثله
ما شاء الله ، بالبركة أختي
وملبوس العافية ^_^
والآي بود حسيتبه صغنوون..
وأغراضج حلوه..
تتهنين فيهم حبيبتي..
ولو اطرشيلي الموقع اللي فيه الاشياء الكيووت على قولتج لو ما عليج كلافه,,