مشاكل فترة الملجة ، بغينا نصائحكن بنوتات لتربية الطفل

والله انا اكثر شي بنصح فيه المالجات هو عدم التصنع يعني شي ما فيك لا تظهري بيه في كل شي حتى الكلام والاكل كوني على طبيعتك وخلي زوجك يتعود عليك مثل ما انت عشان بعدين لا صار موقف ما يقولك والله انت تغيرت وصارة كذا وما كنت كذا قبل هذا اول شي بنصح فيه
ثاني شي حطي حدود اي شي لا تتقبلينه فحياتك لا تفوتيه يعني مو انه صار موقف وزعلي لانك مو مقتنعه بشي قاله او سواه فلا تفوتيه ووقفي عند هالشي وحاولي تعرفيه انه في نعم وفي لا ما معناه انه نقل ادبنا على ازواجنا بس في امور لازم تكون واضحه قبل الزواج عشان الزوج يحترمها ولا يتعداها مثال بسيط الضرب لو حصل موقف ومد يده عليك طبعا هو راح يعتبر الامر عادي زوجتي وكيفي بس لا ما في كيفي وقفيه عن حده بالكلام مو بالمشاكل وعرفيه انه هالشي ممنوع وخليها وقفة صارمة مو تمسحي مكان الضربة وتقولي ما عليه باكر يتغير لا حبيبتي الزوج اذا مد يده على زوجته مرة وسكتت بتصير عنده عادة وما حد بيشيلها من راسه كمان الاهانة او اهانة الاهل يعي في امور كثير ما تتفوت خليك صارمة فيها عشان ما تتعبي بعدين فحياتك الزوجية وكمان حاولي تعرفي وتفهمي زوجك يعني شو يحب شو ما يحب هل بيحب الزوجة اللي تهتم كثير فيه ولا يحب اللي تطنشه هل بيحب اللي بتكلمه كثير بالتلفون ولا بيحب الخصوصية وحرية هل هو من النوع المزاجي العصبي الهادي كل هالامور لازم تعرفينها الزواج مو ملابس اغراء ونوم الزواج اكبر بكثير من هالسوالف ولا اقلل من حجمها هي مهمة ولكن ليست الاهم يعني فترة الخطوبة والملجة استثمريها في انك تكلمي زوجك تتفاهمي معاه في كل الامور حطوا النقاط عالحروف عرفو بعض شو اللي يرضي الثاني شو وسيلة الصلح اللي يحبها كل طرف في حالة الزعل عرفي مزاجه بدل ما تضيعيها وانت تدوري على احلى قميص نوم ف

ربي يوفقج اختي

وأهم شي احترام أهل الزوج

واستشارة الزوج في الأمور اليومية الي تمر منها زوجته حتى لو ببيت أبوها

مافيها شي ان خذتي رايه

وتكون على طبيعته بدون تصنع

والله يوفق الجميع

لا حول ولا قوة إلا بالله

الله يوفق الجميع

اول شي ما في طلعه من البيت الا بإذنه
ان كنتي معاه في اي مكان اتكلمي معاه بصوت ضعيف بحيث ما احد يسمع صوتك غيره
ولما تشرو شي للبيت خليه هو الي يتفاهم مع البائع
لما تكون مشكله و هو غاااضب انتظري لما يكمل كلامه و بعدين نا قشيه لا تقاطعيه قلي له مثل ما سمعتك اسمعني و قلي و جهة نظرك( كلامك على عيني وراسي لكن و قلي وجهة نظرج …)
لان لو قاطعتيه ما بتخلص المشكله ولا بيسمعك ولا تسمعيه

تاخذين رايه في بعض الامور
تحسسيه ان رايه يهمج
ما تتكلمي عن اهلج و تفاصيل حياتكم عنده كل شي بحدود
لما يجي عندكم تكوني بكامل اناقتج و شياكتج
تحترمي اهله و تهدي امه بين فتره و فترة ولو شي بسيط ( هذه الحركه يموتو فيها الرجال )

المفروض كل وحده تسمع كلام ريلها وتودر العناد

كل رياال وطريقته وسلوووبه

يعني انا الي كنت اسويه كنت دوم اطلع من البيت حسيت ان الموضوع بدا يضايجه يلست فالبيت اسبوع اسبوعين عادي عسب عقب اقوله انا بطلع على طول يقولي اوكيه
ولما تصير مشكله اتعامل وياه ولاجنه صار شي بس ابين له انه في داخلي شي في جي هو يندم على الي سوه ويي يتعذر << فالبدايه انا ماكنتت اسوي جي كنت اتضارب يعصب وانا اتكلم وجي وكل مره اجرب حركه يعني مره اتضارب شفت انه عصب ماعدته والمره الثانيه تميت ساكته وماتكلمت وياه وماعيبته زادت المشكله بس يوم جربت اسوي عمري عاادي مافيني شي بس فداخلي مضايجه على طول يعتذر << انا هاي طريقتي وان شاءالله تستفيدين مني ومن الخوااات