ربي يثبت كل حمل ويتممه بصحه وسلامه
وربي يرجع كل كرووشه بعد الولاده المسيره لرشاقه الكل يتكلم عنها ههههه امين ياارب
المهم حابه اسفيد والكل يستفيد عن تجاربكن
شو تشربن فشهر الاخير لتسهيل الولاده
سمعت عن وايد بنات يستخدمن خلطات شعبيه وماشاءالله وقت الولاده ما يكملن نص ساعه اللا وهن والادات
عن نفسي الي اعرفه تمر ينهرس وينحط بكوب ماي وينشرب كل يوم باخر اسبوعين
وبعد تمر وسمن ينهرس زين ويناكل بس بصراحه ماياب نتيجه وياااي ههههههه ولادتي كانت صعبه
وهالمره وايد خايفه ربي يسهل علينا وعليكم
دعواتكم لي وكل وحده تكتب تجربتها لها مني دعاااء من قلبي
كل ولاده تختلف عن الثانيه و مو شرط الولاده الاولى صعبه الثانيه بعد تكون صعبه
الله يسهلج ولادتج ان شاء الله
اللهم اغفر لي، وارحمني، واهدني، وعافني، وارزقني
ربي يسهل ع الجميع ان شاءالله
حبيبتي نحن نشرب و نجرب بس كل حرمة ولادتها غير عن الثانية …. انا عن نفسي الحمد لله رب العالمين ما اطول وايد في الولادة بس اكرف نفسي من الشهر الخامس لين الشهر التاسع و خاصة في الشهر الثامن والتاسع نشاطي يزيد ما احب ايلس بس ابي اطلع …. بس عن تجربة في حملي الثاني كنت اكل تمر وايد احسه عطاني طاقة وولدي بعد ما شاء الله طالع جسمه اقوى عن اخوه الاكبر عنه …. في الحمل الثالث جربت خلطة حليب مع زيت السمسم مع عسل و قرنفل و جرفة و الحمد لله الياهل اتزحلق ولا حسيت مثل اول و ثاني ولادة …. والتساهيل من رب العالمين سبحان الله ….
الحين حامل في البيبي الرابع بس بدت المخاوف و كل يوم احلم في الولادة
و خلاص كفاية ما ابا اعقدك خخخخخخخخخخخ