مستغربه من المعرسات اللي جي … عالم الامومة

المهم انا بدخل في الموضوع على طول

ربيعة اختي متزوجه وماشاء الله عليها انسانه جدا محترمه …. عندها عيال … مستانسه في حياتها مع ريلها وعيالها .. ((((اختي مو متزوجه))))

تقولون شو المشكله الحين صح ؟؟

بقولكم ..

الحرمه هاي .. واااااااايد على نياتها .. يعني هاك اليوم استوى موقف مع اختي ..

كانت هاي الحرمه تبا تطلع تتعشى مع اختي .. طلبت من اختي تسير معاها المطعم بس قالتلها ريلي بيكون معنا ..

اختي قالتلها لالالالا .. ما يستوي جي عيب و استحي .. شقايل اطلع معاج انتي وريلج .. غلط ..

الحرمه تقولها عاااااااااادي شو فيها .. الا بنطلع بنتعشى وبنرد و بعدين انا قلت حق ريلي وقالي عادي تعزمين ربيعتج .. يعني الريال ما عنده مشكله ربيعة حرمته تسير معاهم <<<<<<<< انا مو قادره استوعب شقايل قالتله

والله اختي تقولي كاانت اتصر على اختي تسير معاها

بس اختي رفضت تسير معاها وقالتلها انتي سيري مع ريلج روحكم .. مره ثانيه ان شاء الله بنطلع طلعة بنات ..

المهم اختي ما سارت .. وثاني يوم اختي تسالها ""شخبار العشى مع ريلج""

ردت عليها الحرمه وقالتلها .. ما سرنا كنسلنا العشى ويلسنا في البيت .. وريلها قال دام ربيعتج ما بتيي ليش نسير نحن عيل .. <<<<<< تخيلوا جي يقول حق حرمته

والحرمه عااادي عندها ..

مادري انتوا شو رايكم في الحريم اللي جي ؟؟

انا عني عمري ما يبت سالفه ربيعاتي جدام ريلي .. حتى ما اذكر اسمها بعد جدامه ..