1 ليرة = 3,1 درهم اماراتي
اذا تبين شخص يساعدج فتركيا
طرشيلي رساله , , وحده من الاخوات يزاها الله خير عطتني رقم وحده مناكي
اذا كان هذا قصدج
..
بالتوفيق حبيبتي
المشاركة الأصلية كتبت بواسطة ام ذيـاب 
1 ليرة = 3,1 درهم اماراتي
اذا تبين شخص يساعدج فتركيا
طرشيلي رساله , , وحده من الاخوات يزاها الله خير عطتني رقم وحده مناكي
اذا كان هذا قصدج
أخت أم ذياب لو ما فيها كلافة إذا كان الرقم اللي عندج رقم مرشده في تركيا يا ريت لو تطرشيلي إياه بس انشاء الله ما تكون غالية
المشاركة الأصلية كتبت بواسطة شنتوفه
صباح / مساء الخير اختي العزيزة اسمحي لي ادخل فالموضوع بالدعاء لج انج تروحين وتردين لديرتج واهلج بالسلامة
1.بالنسبة للعرب للاسف الشديد العرب الموجودين هناك مقدمين صورة سيئة جدا عن العرب لانهم استغلاليين لابعد حد وخاصة إذا شافوا واحد خليجي ينظرون له بعيون ملؤها علامة الدولار على بالهم نفتح ولف الماي يطلع البترول في كل بيت وهذا الاستغلال نابع من انهم طلاب يدرسون في تركيا ويريدون يخلصون دراستهم على حساب هل الخليج ونصيحة مني تركيا ما تحتاج لمرشد او دليل لان الشعب جدا جدا خلوق متعاون وبمجرد ما تنطقين اسم المنطقة اللي تبينها في نفس المدينة يدلونج ويخبرونج كيف اسهل وارخص طريقة للوصول اليها انا جربت كل انواع المواصلات ما بتصدقين النظافة اللي فالمواصلات العامة الباص والمترو والترام والفيري اما التاكسي انتي وحظج يا انج تحصلين واحد امين يفضل السواقين الشواب او تحصلين واحد تكون المنطقة على بعد كيلو لو تسيرين لها مشي توصلين ويقعد يفتر فيج يفتر فيج إلين تدوخين ( السواقين الشباب الا من رحم الله ) اخر شي يطلع الحساب شي وشويات والاحسن اذا بتسيرين بالتكاسي انج قبل لاتركبين وياه تسالينه من دون عداد بكم بيوصلكم كذا تكسي عسب تعرفين القيمة التقريبية.
2.الليرة التركية تساوي 3.20 عندهم لكن حالها حال الدرهم نصيحتي كثري خردة الليرات وقللي من الدولارات الليرات باتستخدمينها على طول والدولارات في الفنادق فقط واليورو ما باتستخدمينه خير شر واصرفي دايما في المحلات اللي مكتوب عليها ( دوفيس) وهي كلمة تعني صراف وتحملي تصرفين في اي محل عادي لان اكثر فلوسهم مزورة وتحملي تصرفين من اي حد لأن الناس اللي منش مختصين في الصرافة مختصين في التزوير ولا يبون الفكة من بيزات ابتلشوبها مزورة.
3.عزيزتي مافي داعي تاخذين قاموس…سجلي اهم المناطق اللي تبين تزورينها بأسمها التركي مش العربي…وتنقي كمن كلمة تركية باتحتاجينها مثل الماي الحليب الرز ولو انه يفهمون عليج لو تميتي اتفهمينهم لأن شي كلمات عربية متداخلة مع التركية…وشي اتراك عرب بعد…
4.بخصوص المطاعم….المنبو متوفر وهم حاطين حسابهم لبعض الكلمات العربية يعرفونها…والمنيو عليه الصور واكلهم مش غريب يعني شي عربي ونعرفه.
5.بخصوص اسطنبول وبورصة…شمسها حارة لكن الهواء لطيف…لكن لو باتسيرين يلوا…باردة وحلوة لكن من دون جاكيت الا للعيال ييبلهم كم قميس بكم طويل ومرات ما تحتاجينهم.
ورحلة سعيدة ان شاءالله باتستانسين فيها.
