مستشفى الواحة ؟؟؟؟بنات العين لصحتك

السلام عليكم ورحمة الله وبركاته

خواتي بنات العين .. انا حامل في الشهر السادس .. واول ولادة لي كانت في مستشفى الواحة .. من قبل سنة ونص تقريبا .. وكانت عنايتهم لا باس فيها ..

وهالمرة محتارة وين اسير توام والا الواحة ..

شو تنصحوني دخيلكم تراني وايد محتارة .. وهل توام يستاهل عنوه ؟؟ لانه شوي بعيد عنا ..

واهلي كلهم رافضين توام وينصحوني بالواحة ..

نصيحتكم تفيدني .. وانا على فكرة لين الحين اتعالج في عيادة حكومية ..

اتريا ارائكم ..

امممم انا عن نفسي افضل توام …بس اهلي واهل ريلي يبون الواحه لان اهتمامهم احسن فالحرمه المربي ..يعني يهتمون فيها بعد ماتربي من ابار وحديد ودم ..اما توام لا خلاص ربيتي وخلاص والله يحفظج

انا هذا اول حمل لي والكل نصحني بالواحة ومن بداية الحمل وانا اتعالج عندهم وبربي عندهم ان شاء الله
لأن اختي العام ربت في توام بس وايد تبهدلت علشان جيه ما حبيتهم

اختي احذري من مستشفى الواحة هاذي مستشفى تنصيرية شي انجيل في الحجر و الصليب بكبره حاطينه في المدخل….

دوريلك شي احسن… و ان شاء الله البنات بيفيدونج …
بالسلامة حبيبتي

السلام عليكم ورحمة الله وبركاته

أختي أنصحج بالواحه والله ماتلقين مستشفى شراته أهتمام وعنايه لج وللياهل

أحسن لج الواحه
وتوام ماراح يهتمون فيج الا بالخاص

طبعا توام اما الواحه والله اسمحيلي على الكلمه بس صدق قرف من كل النواحي انا خواتي يربن هناك لا عناية ولا تحسين بنظافه والله شوف عيني حشرات بغرفة الولاده وغير هذا السسترات الهنديات تقولين شيخات بس كلمة الحق تنقال في سستر ايرانيه هاذي وايد حبوبه انا حبيتها وايد كانت ماسكه ايد اختي طول الوقت ولما خلصت مناوبتها ما طاعة تروح وتمت معاها اما الباقيات حدث ولا حرج

اما توام تشوفين من خمس سسترات وحد عوفه اما اغلبهن حبوبات والنظافه ما عليها كلام خصوصا بعد الادارة الجديده وانتي نفسي بالشهر لسادس خلنا نربي هناك يمكن نتلاقى