مستشفى الزهرا ولا مستشفى دبي (الحمريه) ماباجي شي عن الولاده للصحة

السلام عليكم ورحمه الله وبركاته..

ادريبكم والله ماتقصرون يا بنات بلادي.. عشان جي ييت اشاوركم..

انا حامل والحين في شهري التاسع يعني قولوا آخر التاسع <<< وايد عليج اتفيجتي تسألين الحين.. خخخ

المهم..

انا حملت على ولدي الأول وهو عمره 5 شهور تقريبا فديته.. وكنت امربيه قيصري فولدي
وها حملي الثاني..

الحين ولدي فديته عمره سنه وشهرين وانا في التاسع..

بس المشكله مب اهنه.. المشكله الحين عاطيني 50% طبيعي و50 % قيصري..
وانا ماااااااااااااابا قيصري.. لأنه الحمدلله ماعندي مشاكل في الحوض ولا في الرحم..

بس السبب اني ربيت قيصري لأني على قولتهم ماعرفت اسوي بش.. <<< بالأحرى كسوووله.. ندمانه بس شو اسوي.. حزه الويع ماتعرفين شو تسوين من الصدمه << اول بيبي
مع انه الرحم انفتح عندي كامل.. شفتوا القهررررر..

الحين في ولادتي القيصريه استوالي نزيف واتنومت يوم كامل في العنايه.. بس الحمدلله عقب الله سلم..

الحين اخاف تستويلي نفس السالفه وانزف ودمي هالمره نازل وايد اكثر عن اول مره.. الحين دمي نسبته 9 اتخيلوا
يعني اذا نزفت مايعرفون شو بيستوي لاسمح الله ان كانت عمليه.. ولازم يبون ينقلولي دم << ان شاء الله ما احتاج..

الحين انا في خاطري اربي في الزهره عند نفيسه.. احس ابا عنايه غير عن المستشفى الحكومي.. لأني عانيت في اول ولاده مذله لين ايونج وايفرون عليج الياهل طول الوقت..

بس متردده وااااااااايد..
اول شي لأنه دمي نازل.. وماعرف شو يسوون الخاص في هالسالفه اذا لاسمح الله نزفت..؟؟
ولأني اول مره قيصري فتحسين الحكومي ايحاولون ايولدونج طبيعي اول وعقب كل امحاولات ارد على القيصري..

اخاف الخاص على طول قيصري.. مع اني سرت عند الدكتوره نفيسه وقالت اول شي اتجربين الطبيعي وعقب اذا ماقدرتي مول انحولج قيصري..<<< صح هالرمسه ولا بس رمسه.؟

بنات بليييز انصحوني اي مستشفى بما اني عندي هالأعراض.. فقر الدم واحتمال طبيعي او قيصري..

انا في خاطري اهتمام وولاده طبيعيه بس الأضمن من ناحيه الإهتمام اكيد الخاص.. ومن ناحيه يصبرون على الولاده الحكومي

انصحوووني..

وادعوووولي بتسهيل الولاده واني اربي طبيعي.. والله ايسهل كل شي في حياتكم ياااااارب.. واييسر اموووركم..

الغالية عليج بالزيبيب انا كان دمي 8 وخلال اسبوع ارتفع 13 الحمدلله
انتي يوميا كلي زبيب وخليه مثل التحلية كل عصر والا المغرب مع الحليب
وراح تلاحظين النتيجه العجيبة
وبعد كلي الكبده وووايييييييييد مفيده واستمري عالحبوب اللي عاطينجياها لاتهملينها لنها مفيده للحامل

الله يسهل عليج ان شاء الله واتربين طبيعي انتي نفس حالتي انا في الولادة الأولى ربيت قيصرية لانه بنتي فديتها طلعت بويها مب براسها …والرحم الحمدلله كان متوسع كامل بس خافوا انها تختنق لانه نزل عندي الماي قبلها بيوم …وربيت في الزهرا بصراحة عنايتهم ما عليها كلام والمسهل رب العالمين " يعني اذا الله رايد تربين طبيعي بتربين طبيعي سواء في الزهرا والا غيره واذا لا سمح الله العكس بعد نفس الشي "

انتي وكلي امرج لرب العالمين واستخيري وشوفي وين ترتاحين اكثر والله باذنه بيسهل عليج

انا في الولادة الاولى ولدتني أميرة بس شكلي هالمرة بحول على نفيسة لانه الكل بصراحة يمدحها

وارجع واقول التيييييييسر بيد رب العالمين ومب بيد الدكاترة
هالدكاترة سبب يالغاليه

وبالنسبة لنقص الدم انا كنت نفسج بس الحمدلله بعد الولادة حاولت ارفع دمي بالاكل

ولا تحاتتتتتتتتتتتتتتتتتتتتتتتتتتتتين

عسى ربي يفرحج بولادة طبيعية واتكونين انتي والبيبي بصحة ان شاء الله وبشرينا بولادتج

وادعيلي وقت الولادة

هلا الغاليه..

والله ماتقصرين.. بس اي زبيب فيهم.. يعني في زبيب معين يرفع الدم بسرعه..؟

وبالنسبه للكبده انا في حملي الأول والثاني عادي اشتهي الكبده بس المشكله من آكلها ارجعها على طول ولين الحين مب عارفه السبب..

والمشكله الحبوب واايد انساهم وايد..

وتسلمييين الغلا ماقصرتي

هلا الغاليه..

فديتج والله ريحتيني برمستج.. بس انا اللي اكثر شي اخاف منه نقل الدم اذا لاسمح الله احتجت دم شو يسوون في الخاص.. يعني دمهم كيف ولا شو السالفه .. لاتضحكين عليي بس اخاف ههه..

وان شاء الله الله ايسهل الولاده علينا وعلى كل مسلمه على ويه ولاده يااااااارب..

وان شاء الله اتربين بالسلامه ان شاء الله
..
وبالنسبه للدكتوره نفيسه حسيتبها وايد زينه ماشاء الله.. لاتفوتينها..

وان شاء الله مابنساج في الولاده والله ايقومج بالسلامه يارب

الغالية إستخيري و إتوكلي على الله ….من رايي ربي في الزهرا …… من ناحية العناية واااااااااااااايد أحسن من الحكومة ……و إذا خايفه من العملية إقري سورة مريم و كلي تمر و الله إهون عليج و علينا …..

نفيسة الكل يمدحها توكلي على الله وسيري عندها