يمكن يكون هذا اول موضوع اكتبه ,, مع العلم اني عضوة قديمة بس اكتفي بالرد .. والشراء من المدونة ^_^
كنت حاجزة حق اهلي من 10 ايام حق ميونيخ على طيران الامارات ,, وكانت التذكرة تقريبا ب 2345 او 2345 … وانا ناوية الحقهم ياجر ولا الاحد وانصدمت بالاسعار صارت 3400 وفي 2995 ! فهل ممكن احصل سعر افضل ؟؟
ثاني شي اهلي حاليا في مدينة اوغسبورغ .. ف شو احسن وأأمن طريقة من مطار ميونيخ الى اوغسبورغ …
في حد من خواتي يعرف شقق مفروشة في اوغسبورغ وتكون اسعارها اوكي ؟ لان اهلي ساكنين في فندق اسمه Steigenberger Drei mohran …
بعد 10 ايام ان شا الله رايحين ميونيخ .. هل من الممكن نحصل حجز شقق في منطقة العرب وتكون اسعارها معقولة ؟
والشكر موصول لكل من دخل موضوعي وحتى لو ما رد على الموضوع ^_^ جزاكم الله كل خير 
بس سؤال بليز كم خذت الفيزا عندكم؟؟؟؟؟؟؟؟؟؟؟؟؟؟؟؟ ويوم الجمعه العصر مفتوحه المكاتب…. اذا طرشتها اليوم بتخلص الاثنين والا الثلاثاء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بالنسبة للفيزا ,, بقولج شو صار لي عشان تستفيدين ,, سرت المكتب لي صوب الضيافة ,, يبون اول شي صورتين خلفيتهم بيضا ,, ورسالة من البنك ,, وكشف حساب ,, وحجز تذاكر وفندق ,, ورسالة من حد هناك ,, وايد عقدوني بصراحة ووايد ناس وزحمة وعقبها مقابلة ,, وبعد تامين ,,, مع انه الريال يوم اتصلنا فيه قال اماراتين بس يبون تامين وصور وحجز فتدق .. بس يوم سرت هناك قالوا اوراقج ناقصة وما يستوي …
ربيعتي كلمت اخو ريلها وخبرها عن مكتب قريب برجمان ,, بياخذون اكثر بس من غير اوراق .. بس وقعوني على الاستمارة وخذوا الصور والجواز .. كنت سايرة يوم الخميس وخلصت يوم الثلاثاء ودفعت 700 درهم وصالحة ل 3 سنين .. لين 2024
و الباقي بخليه حق اختي الغر الحشيم ان شاء الله بتفيدج
وتسلمين على الرد