مسابقة اسبوع واحد فقط….. مع ريجيم البروتين مشاكل الحمل

::

مسابقة مدتها اسبوع واحد فقط

النظام الغذائي بيكون " ريجيم البروتين "

كل انواع الاكل فيه
باستثناء ( الخبز والعيش والمعكرونة والصمون والتوست والبسكويت والكورنفليكس )
ممكن استخدام البسكويت او الكورنفليكس مرتين فالاسبوع >> للضرورة .
العصاير والفواكه والخضروات مسموح ^^
وتقدرون تسوون سيرج عنه

ريجيم البرتين معروف وتقريبا بعد البحث والتجارب الشخصية
الاغلبيه استفاااد من هالريجيم

وبما اني شخصيا اتبع هالريجيم
فقررت افتح هالمسابقة الخاصه بس بريجيم البروتين
علشان انا بعد ما اخورها واكل ><"

المتنافسات :

لولي :

الوزن 68.1
الطول 152

ام الفيصل

الوزن : 60
الطول : 155

عالية الغالية

االوزن :85.2
الطول : 157

صبية من الشام

الوزن: 83.8
الطول: 169

رحلة عذابي

الوزن : بعدها ما طرشت
الطول: "

الهدف للاسبوع هذا 2 كيلو>> مشترك للكل ^^
لان البروتين غاليا يكون النزول فيه فالاسبوع 2 كيلو مع الرياضة

المسابقة هاي اسبوع واحد فقط
ينصح بالريجيم هذا بس مرة فالشهر

::

خواتي الدكتور قالي ابد ما العب رياضة مع ريجيم البروتين لانه يعضضضضضضضل انتبهو مسموح المشي بس
وممنوووووع يا حلوات جميع انواع العصااااير باستثناء عصير جريب فروت

انا خسرت 10 كيلو في اسبوعين ووقفت
تشجييييييييع

حطي لنا رجيمج

يعني كيف كان نظامج من الصبح للمسا

ماشاء الله عليج
عطيتيهم دافع قوي للريجيم هذا
مثل ما قالت الاخت عاليه

اذا حابه حطي جدولج للبنات ^^
ومشكووورة مقدما

انا وياكم وان شاءالله من باجر بحط يومياتي^^

اليوم الثاني
السبت 7 / 1 /2011
المرحلة الأولى
اسبوع التحدي

الريوق عالريج دبة ماي 500 مل
وعقبها نسكافيه 3 ان 1بالمحلي

وعالغدا كلت السلطة + حبتين تمر

اليوم رحت النادي
بس الصراحة ضاااااايجة ضيج اليهد منه
الله يسلمكم هالنادي جديم وجريب من بيتنا وايد
واانا عندي مشكلة المواصلات اني اروح للنادي اللي مشتركة فيه قبل
هالنادي مقدور عليه
رحت وانا كلي حماس
بس يوم دخلت
نص الاجهزة مكسورة
والايروبيكس جدييييييييييييييييييييييم نفس حركات قبل 5 او 6 سنوات
انقهرت
كملت ساعه ونص بس وطلعت
وكنت اسوي التمارين وانا لايعه جبدي ومبين على وييهي
ما اعرف شو اسوي الحينه ><"

المهم قبل ما اروح النادي كلت لي موزة

قبل شوي ريو للعوزني
خاصه ان امايه بتشوي الحين
وريو يوسوس على راسي اني اكل حتى لو لقمة

بس ميني الحلوة اقنعتني
اسوي لي شوربة بدال السلطة علشان امتعد وما اسمع رمسه ريو
فرحت سويت لي شوربة وامتعدت الحين الحمدلله

الماي : للحين لتر
وبكمل الن شاء الله

بصارحكم بشي
ريو للحين يحن على راسي
اني اكل لي شي
بس بقاوم وما بروح تحت
وان شاء الله اقدر ><"