مساء الأنوار ^^ لتربية الطفل

السلام عليكم ورحمة الله وبركاته

شحالكم خواتي ؟؟ عساكم إلا بخير

أول شي حبيت أبارك لكم بقدوم شهر رمضان الكريم عسى الله يغفر لنا ولكم

وكل عام وانتم إلى الله أقرب

مثل ماتعودت منكم دائماً أن ألقى الحلول والردود والأفكار الفنتك ^^

خواتي اليوم بغيت منكم بعض الأفكار

أنا بشرح لكم أنا أبغي أكتب ولكن بسبب اني ضعيفة في التعبير ويمكن الظروف ماتسمح اني أعبر وأطلع اللي بخاطري

أبغي أكتب بعض البنود الخاصة بالمتزوجين عشان كل واحد يلتزم بالهبنود ونضمن حقنا عالأقل^^

فهمتو علي

يعني بطبع ورقتين فيها كل البنود والشروط اللي لازم كلا الطرفين يلتزمون فيها ونوقع انا وهو عليها يعني كنوع من التغيير منها حركة ومنها نضمن حقنا

ابغيكم تعبرون لي وتنسقون لي البنود بطريقة حلوة ومرتبة ولأني ماأعرف شو أكتب بالبنود فحبيت انكم تساعدوني

بس فيه كم بند فكرت فيه :

عدم تجاهل مشاعر الطرف الآخر – عدم الخيانة ( أهم شي عندي ) خخخ – احترام رأي الآخر – يلزم كلا الطرفين أن يخصص وقت يومياً للرومانسية وتبادل كلمات المدح والغزل

تراني تعبت وأنا أعصر مخي ^_^ ويالله يالله طلعن هالجملتين

المهم حبايبي بغيتكم تكتبون كل شي يخطر في بالكم عشان نستفيد من بعض

بليييييييز لا تردوني ابغيه ضروري

عدم التاخير والالتزام وقت الرجوع الى المنزل..
هذا اللي قدرت عليه..خخخخخخخخ

مشكوووورة حبوبة ^^

ويزااج الله خير

الاهتمام باطفالنا ورعايتهم
التعاون في اعمال المنزل
مشاركة بعضنا البعض في التسوق
زيارة ارحامنا
القيام برحله ترفيهيهة وقت الاجازات
الصراحه
مساعده بعضنا البعض
الاهتمام بانفسنا

مممممم انا كتبت بس انتي حاولي تعدلين الكلام اهئ اهئ تراني ما اعرف اعبر باسلوب رائع ^_^

ولي عوده ان شاء الله

وهذا بعد

الاهتمام باصدقائنا
مساعده الغير
ومن اهم الاشياء التي علينا :
الرعاية
المواساه
المسامحه
اللطف
الاخلاص
الحب
…الخ ((ضيفي اي شي تبينه منه ))
وهذا بعد دوم ذكريه به :
لا تقطع وصلك بوالديك

السلام عليكم و رحمة الله و بركاته

أنا الموقع ادناه اعاهد بالالتزام بالتالي

1- أن ابذل جهدي للحفاظ على العلاقة الزوجيه متقده
2- أن اراعي شعور الطرف الآخر
3- أن نتساعد بين الفتره و أخرى على أعمال المنزل و غيرها
4-أن أخصص وقتا معينا لقضاءه مع الشريك بدون ارتباطات(أطفال،مدارس،الخ….)
5- أن اخصص وقتا معينا لقضاءه مع الاهل(الام و الاب و الاخوات و الاخوان و الخ) و الاطفال
6-أن أحفظ نفسي و نظري من المحرمات
7- أن نتناقش في كل الامور و أن احترم وجهة نظر الطرف الآخر
8-أن احاول بكل الوسائل أن ابين شوقي و اشتياقي للمنزل و لشريك حياتي
9- أن أحاول العوده مبكرا للمنزل
10- إعطاء الشريك يوما للإهتمام بنفسه و يحق فيه
أ)الخروج مع الاصحاب
ب)الذهاب إلى رحله
ج)الخ

طبعا اختي هالاشيا كتبتها و عصرتلج فيها مخي
و ممكن إنها اتكون للطرفين
يعني أنا عممت و ما خصصت
و ربي يديم بينج و بين ريلج الموده
و السموحه منج

ما شاء الله عليج
ابدعتي ابداع والله ^_^
وانا معاها فكل كلمه قالتها