شو اخباااركم مع الرجيم والدايت 
أنا اتريا إربي بفارغ الصبر بس عشان انضم لكم فالدايت والرجيم ،، ألهمه وااايد عاليه 
حاليا أنا فالشهر الثامن وحابه ادخل سباحه ،، يعني مركز يدربني عالسباحه لأني ماعرف 
والسباحة وايد مفيده للحامل ،،
قالولي عن مركز التنميه الاسريه في بين الجسرين .. بوظبي (( حد يعرف رقمهم عشان أتواصل معاهم او مكانهم بالضبط ))
و اذا تعرفون اي مركز يدرب سباحه في بوظبي خبروني 
بييج الدوار اللي بين الجسر ((اللي يوديج صوب بين الجسرين)) والنفق ((اللي يوديج صوب مدينة الضباط))
خذي النفق وبييج دوار خذي من الدوار سيده وبيكون المركز على ايدج اليمين ..
عندهم مدربات متخصصات ((المدربه لو تطلبينها تدفعين زياده)) وعندهم حوض سباحه لكن لهم قوانين صارمه للي يبا يتسبح فالحوض ..
اول شي لبس سباحه اسلامي ثاني شي غطاء الراس الخاص بالسباحه واخر شي نظارات السباحه ..
احيد يوم سجلت سنة 2024 كان كل 3 شهور بـ1000 درهم مادري اذا غيروا اسعارهم ..
عندهم آالات وايده وعندهم حصص الايروبيك بس دوم تكون زحمه ههههههههههه ..
من ناحية السباحه فري بس لو طلبتي معلمه ادربج اظن 6 جلسات على 1200 !! او اكثر والله نسيت اختي سمحيلي ..
بس الحلو عندهم انه المكان محترم ونظيف وممنوع تحدرين كيمره او تلفون ..
أغراضج في اللوكر مع الحرمه اللي فالمدخل مقفول عليهن والمفتاح عندها ..
بصراحه اختي عن تجربه انا بدون معلمه ولا شياته كنت ادرب بروحي اسوي مشي خفيف نص ساعه .. بعدين هروله نص ساعه بعدين سيكل نص ساعه وفالاخير ادرب على آله تقولين نفس الزلاجات وفالأخير سباحه (بس سباحه صحيحه مب لعب بروحي كنت أدرب نفسي ) في خلال شهرين عقيت اكثر عن 10 كيلو يعني فالشهر 5 كيلو بس انا ماكنت مسويه دايت بس جي كنت ادرب اشد جسمي وعلى آخر شهر تركتهم لظروف خاصه ..
عشان تسجلين عندهم اعتقد لازم تييبين خلاصة القيد الاصليه + الجواز الاصلي + صورتين أو اربع صور شمسيه + المبلغ كامل
واحتاج مدربه لان أخاف ههههههه ماعرف أتدرب بروحي ،،
والله يسهل عليج حبيبتي