مرحبا ياعرايس ويا متزوجات كيف تشيلين المنطقة الحساسة بالخطوات ساعدوني لاناقة المرأة

السلام عليكم ورحمة الله وبركاته شخباركم شو مسوين؟؟

ابا نصيحتكم لي ><

مب عارفة كيف اقولكم الموضوع ….

انا فيني حساسية ماتحمل اي شي انا من زمان متعودة اشيل بالموس النسائي بس يظهر الشعر بسرعه ومع فترة ماقمت اتحمل الموس يطلعلي حبوب وحكة بشكل مب طبيعي تعبت نفسيا.. انا على وشك زواااج ومستحيل اسوي ليزر هالمكان لاني وايد اخاف من تأثير الليزر مع السنين ..الحلاوة احسها تذبح ماتحملها جربت بس ماقدرت اشل الشعر اروح اغسله يعور واااايد
صح انه الحلاوة انظف بس خبروني كيف الطريقة بالتدريج ارجوكم تشلون الشعر كامل بالحلاوة والا منطقة محددة بالحلاوة والباقي بشي ثاني ..
وبعد بغيت اسألكم حبايبي عن المنطقة الخلفية كيف طريقة شل الشعر احس وايد صعب

ساعدوني مالي غيركم فديتكم بليز لاتحذفون الموضوع محتاجتنه ضروري عرسي جريب

اختي اول شي تسويه تنغسلين المنطقه بالصابون و تنشفيييييييييييييييييها
التنشيف وااااايد مهم
اني شي اتحضرين الأغراض
اللي هي القطع القماشيه مال حلاوة ميم الرول السائله

اني شي حلاوة ميم العادية

[IMG]https://t2.gstatic.com/images?q=tbn:UynFdHbe0gczhM:https://www.*****.com/files/ups/2010/335392/01261889914.jpg[/IMG]
تدلكين الحلاوه العاديه لغاية ما تصير ذهبيه فاتحة
بعدين مديها على القطعه القماشيه
الحين حطيها على المنطقة و مسديها انتظري لاث دقايق و شلي
على فكره لازم تكوني شاده الجلد بيد و تشلي القماش بايد ثانيه
هو في البدايه بيعورج بعديين بتتعودين
اول شي تدربي على المنطقه اللي فوق لانها اسهل و اخف بالالم بعدها تعودي على تحت

تحت متعب لان الرطوبه متركزه و لانها منطقه رقيقه

بالنسبه للي ورا
نفس الشي بس بعد ما تمدي القماشه رفعي ريلج على كرسي عشان ما تييها رطوبه

أرجو اني افدتج
و هاي طريقتي من عشر سنين ما اغيرها