مراجعات الحامل في بوظبي لحياة صحية

غريبه ما حد عبرني؟؟

مرحبا الغاليه اعذريهن لان اليوم الجمعه والكل مشغول بخصوص المستشفيات مافي مثل الكورنيش لان مستشفى حكومي ومتوفره فيه احدث الاجهزه خاصه للبيبي الي عندهم مشاكل وفيه غرف خاصه بس انتي وحظج..وفي مستشفيات خاصه عندج النور وفتحوا مبنى يديد وعود وفي دار الشفا وعندهم غرف خاصه وغرف رويال بس انصحج اذا تبين سلامتج وسلامت البيبي بعد عناية الله اتروحين الكورنيش حتى لو ماحصلتي خاص عندهم المهم العنايه

الكل نصح بالكورنيش ….. بس المشكله الغرف الخاصه …..

مشكوره الغلالالالا …..

اهم شي سلامتج والبيبي لان وايد حريم ربن في الخاص وصارت عند البيبي مشكله بعد الولاده والمستشفى ماقدر يعالج الحالات وحولوهن على الكورنيش

الصراحه مستشفى الكرنيش بس الحين غيرو القانون قبل اي وحده من المواطنات تقدر تفتح لها فيل في مستشفى الكرنيش بس الحين لا كل وحده تفتح شو اقرب لها مستشفى اذا انتى من بين الجسرين عندهم الحين مستشفى تابع للكرنيش ومستشفى الرحبه حق اهل الشهامه والرحبه وام النارومستشفى المفرق للاهل بني ياس وخليفه أ : ب بس كل مستشفيات بوظبي ماعليهم كلام مواعيدهم الين المساء وحصص رياضه وحصص امومه وتغذيه ورشاقه وعيادة اسنان حاصه للحوامل وبعد الولاده في حصص الرعايه حق الطفل هب تولدين وخلاص وحصص رياضه اترد الكرشه ويوم تولدين لج عرفه ابروحج ويا المرافق اذا تين اهلج وعنايه وايد عاليه وبعد في غرف خاصه 500 درهم في اليوم وغرف ملكيه 1000 درهم في اليوم بس والله نفس العنايه بس الغرف غير والجناح اما الزياره مسموح من 12 الظهر الين 10 المساءحق الغرف العاديه اما الخاص كل الاوقات بعدين مستشفى الكرنيش خاص لامراض النساء والحوامل مش مثل المستشفيات الثانيه الكل في نفس المستشفى بس الاقسام غير

الكورنيش وايد اوك في الولادة ..بس الحين قانونه تغير …الحجر للغرف الخاصة في الشهر 9 وانت وحظج …بالنسبة للعيادات .vip>>>>ماشي للمواطنات الا لكبار الشخصيات ..هذا القانون اليديد…بالنسبة للفايل ..عادي تفتحين عندهم انا من الشوامخ ..وتوني فتحت ملف …بعد يطلبون بطاقة ثقة ….لازم ….ولا تنسين ..وايد زحمة …مستوي المستشفى ..مااعرف ليش كله هنود وافدات ..نادر ما تشوفين مواطنة …..بالنسبات للمستشفيات الخاصة ..روحي النور اليديد …يمدحون الدكتورة ماجدة للمراجعة بس الولادة ما عندي علم .والله يسهل عليج .وعلي