مدرسه الباهة الخاصة اللي في الشهامة للطلاب

السلام عليكم
اخواتي العزيزات

مينوتعرف معلومات عن مدرسه الباهة الخاصة اللي في الشهامة ياريت حد يفيدني علي مستواها في الكي جي 1 والكي جي 2 ضروررري
هل عندهم دراسة ولعب ولا كله جد ونكد

والله انا سجلت بنتي ع السنة الياية ان شالله، ورحت عند المديرة وسألتها عن نظامهم قالتلي دراسة على لعب وبيكون منهجهم يديد على السنه اليايه منهج امريكي..
وبينتقلون مبنى كبير في خليفة أ

ان شاء الله بحاول اسجله باجر ان شاء الله
لاني سمعت وحده تقول انها قبل ست سنوات راحتلهم تقول المدرسة معصبة وجاده واليهال ما يقدرون يتحركون يعني المدرسة تخوف جد في دراسة انا ما بى هاي الشي ما باهم يكرهون المدرسة لما انا كنت في الkg في مدرسة سلمان الفارسي في الشارجة كان دراسة وتحفيظ ونكد وانا ما ابى هذا الشي كنت اكره المدرسه واسيرله وانا اصيح

والله ان المدرسه وايد اوكي
لان ولد اخت ريلي هناك من يوم الروضه والحين صف رابع ماشالله علييه واايد شاطر ومستواه وايد اوكي فالدراسه

المدرسة بصراحة ممتازة …في التاسيس يعني يتاسس الطفل في الدراسة بمستوى ممتاز منهجهم الحكومة واذا بيبدلونه زيادة الخير خير ليش لا …..لانهم بينتقلون مدينة خليفة (أ) المبني الجديد …..والمديرة هدى معروفة ان الطلاب عندها ملتزمين وشطار وبنسبة للعب متوفر للروضة وعندها خطة دراسية ممتازة تتبعها وتحفظهم القران من الصغر……ماشاء الله عليها انا اعرف عيال حماتي عندها ماشاء الله ممتازين …وتاسيسهم ممتاز في العربي ….والانجليزى والقران الاجزاء حافظينهن ماشاء الله…ومديرتهم اتابع طلابها وتسال عنهم …بصراحة الحرمة تعطي المدرسة من الخاطرررر

وانا ويا اخت roosانا عيالي من الروضة والاكبر فيهم الله يحفظة بيتخرج من عندهم هاي السنة , لان مدرستهم يلين الصف السادس واخوانه بيكملوم في هذي المدرسة ان شاءالله دراستهم ممتازه والطلاب عندهم محترمين ما تلقين عندهم الطفاسه او كلام بذئ بالعكس المديرة متابعتهم اول باول.
وانا كنت بنقل ولدي إلا في الصف الاول في مدرسة الاسترالية وافقو علية بس تراجعت وخليده في الباهية لانها فيها القران والتجويد وE لاحقين عليه يتعلمون اهم شئ عندي القران