خواتي ابا اعرف رايكم في مدرسه الابداع .اللي في دبي
شو اجابياتها وشو سلبياتها ومتى يبدا التسجيل عندهم
وبنسبه لامتحان المستوى لازم كل طالبه يديده تمتحن حتى لو درجاتها عاليه ومستواها ممتاز
ياليت لو تفيدوني خواتي ….
بنت اختي هناك في الصف الثاني الحينه ووايد مرتاحين منها
تأسيسهم ممتاز ومدرسات مبدعات ماشاء الله طبعا هذا بالنسبه للتأسيس اذا بغيتي تعرفين عن الكبار بسأل لج
وبالنسبة لأمتحان القبول هو نفسه في كل المدارس النموذجيه مهما كان مستوى ولدج او بنتج
لازم تمتحن انا بنتي نقلتها من مدرسه عاديه لنموذجيه والحمدالله الاولى هي لكن بعد امتحنوها
الطالب المنقول من المدرسه الحكوميه للنموذجيه اعتقد نسبة النجاح لازم تكون فوق 80%
ومن المدارس الخاصه 90% مب متأكده من النسبه تفرق عشر درجات من الخاصه للحكوميه
يعني يمكن الحكوميه 70% والخاصه 80% او مثل ماخبرتج قبل دورت الورقه اللي فيها الشروط مالقيتها
بس اذا تبين ممكن أسأل لج … ويفضل قبل ماتسجلين عيالج في اي مدرسه تسوين لهم زياره
وتشوفين المدرسه كيف
اكيد مابتعرفين كل شي بس من التعامل اداريا وياج بتقدرين تاخذين فكره عنهم وبتشوفين اذا ارتحتيلها او لا
اذا حابه تعرفين اي شي ثاني تفضلي
ماشاء الله عندنا حد في كل مدارس نموذجيات دبي من عيالي وعيال العايله الكريمه 
القيم الابداع النخبه جميرا وعمر بن خطاب
والسموحة …
بس سمعت واااااااايد يمدحون الابداع قلت اسئل اول وان شاء الله بسير لهم <<<<بجوفهم عيني عينك هههههههههه
والله يحفظ لكم عيال العايله كلها
االله ايسرامورج
وااايد المدرسة راااااااااااائعة و كووول
و حتى انا طالعة الاولى
انا في الصف السابح الحيين
السابع *