شحالكم بنات حبيت اسالكم عن مدرسة فكتوريا في الشارجة شورايكم فيها من ناحية الادارة والتدريس
واللي يدرسون عيالهم هناك تنصحوني اسجل عيالي والا لا؟؟؟؟ وتسلمون
موقعه عند المدارس اللي حذال منطقة النعيمية
وفكتوريا الانكليزية بالنعيمية (على ما اعتقد هيك اسم المنطقة ) قريبة من عجمان الكل بيمدح من تدريسها ومعلماتها
للاسف جيت متأخرة وما حصلت اماكن بس الحمدلله سجلتهم بمدرسة رائعة بدبي
من جم يوم و انا اشوف موضوعج و ابي ارد عليج و كله انسى, بس الحمدلله اليوم قررت ادخل و اشوف شنو الموضوع. و الحمدلله لقيت لج عن المدرسه اللي تبينها.
هذا اللي قالوه الخوات عن المدرسه في مواضيع سابقه و ان شاءالله تستفيدين منه يارب.
– مدرسة فكتوريا الانجليزيه
فرع لمدرسة فكتوريا في بريطانيا و دراستها قويه. كل المدرسات بريطانيات مش هنديات وعندهم جواز بريطاني .. لان اغلب المدارس يقولون عندنا المدرسات بريطانيات .. ويوم اتسيرين تكتشفين انهم هنديات .. يعني يعلمونهم انجليزي بالكنة الهندية .. بس هاي المدرسة نظامها بريطاني عدل .. كل شي مرتب .. في متابعة على العيال بشكل مكثف .. طريقتهم حلوة في التعليم .. ما يضغطون على اليهال وايد مثل الشويفات .. بس في نفس الوقت يتعلمون.. والحمد الله حتى في الاجازة يعيالي يسئلون متى بنسير المدرسة .. والصبح قبلي في السيارة .. يشجعونهم على القرآءة .. كل اسبوع عندهم حصة مكتبه وكمبيوتر .. وكل اثنين عندهم سباحة .. واغلب اللي فيها اجانب انجليز .. ما فيها امواطنين .. يمكن كل صف ولدين مواطنين بس .. فعيالنا يظطرون يتكلمون معاهم بلغتهم ..
بس مشكلتهم اجازاتهم شوي غير عن وزارة التربية .. يعني يبتدون من 29 الين 1512 بس وياخذون اجازة اسبوعين .. والكورس الثاني يبتدي 2يناير الى اول ابريل .. يعني ماعندم اجازة الربيع في شهر يناير .. ياخذونها قبل .. شهر 12 .. والكورس الثالث يبتدي 15 يناير الى 28 يونيو.. نظامهم 3 كورسات مش كورسين مثل وزارة التربية والتعليم. هذا بالنسبة للسنه هذي. صوتين
موقع مدرسة فكتوريا الانجليزية
www.victoriaenglishschool.ae