انا هب مدرسه بس اللغه عندي تعتبر زينه امشي حالي مره بطلاقه ومره اخربط ههههه
بس اللي عدل لغتيه الاختلاط بناس يتكلمون انقلش ومنهم اتعلم كلمات يديده واحفظهن واهم شي تعلمي القواعد عشان تتكلمين صح وحاولي تحفظين كلمات يديده وخصوصا الكلمات المتداوله يعني تستخدم بشكل يومي في اغلب المجالات وحاولي اتابعين افلام ومسلسلات مترجمه وتعلمي طريقة النطق الصحيحه وخصوصا الافلام البريطانيه لانه النطق الصحيح للغه الانجليزيه واقري مجلات اجنبيه وترجمي اي كلمه ماتعرفين معناها وسجليها في دفتر واحفظيها وتابعي ومع الاستمرار بتلاحظين لغتج تتحسن بس يبالج وقت لان اللغه ماتكسبينها بسرعه يبالها طولة بال
اتمنى افدتج ولو بشوي من خبراتي 
وصح لاتستحين يوم تتكلمين انقلش خليج جريئه حتى لوتخربطين لان هالشي بيخليج ترمسين بطلاقه بدون تقطيع وتأتأه والارتباك يزيد التأتأه والتكرار يعلم الشطار وتعلمي من اخطائج عشان ماتعيدينها
وياهلا